*୧୬୨ କେଜି ଗଂଜେଇ ସହିତ କାର ଜବତ* *ନାବାଳକ ସହିତ ଜଣେ ଗିରଫ*

କଳାହାଣ୍ଡି, ୨୩/୦୮ ( ବିଷ୍ଣୁ ଚରଣ ସ୍ୱାଇଁ ) : ଆଜି ସକାଳ ୫ ଘଣ୍ଟା ସମୟରେ ମ.ରାମପୁର ବ୍ଲକ ଅନ୍ତର୍ଗତ ରଜାମୁଣ୍ଡା ନିକଟ ଜାତୀୟ ରାଜପଥ ୫୯ରେ କଳାହାଣ୍ଡି ଅବକାରୀ ଅଧୀକ୍ଷକ ରଞ୍ଜନ କୁମାର ନାଏକଙ୍କ ନିର୍ଦ୍ଦେଶ ଅନୁଯାୟୀ, ଉପ-ଅବକାରୀ ଅଧୀକ୍ଷକ ଶ୍ରୀମତୀ ସାଗରିକା ପ୍ରଧାନଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅବକାରୀ ନିରୀକ୍ଷକ ଶ୍ରୀ ବିଜୟ ଭୂଷଣ ନାୟକ, ମ.ରାମପୁର ଅବକାରୀ ବିଭାଗ ଅଧିକାରୀ ଅଜିତ କୁମାର ନାୟକଙ୍କ ସମେତ ମ,ରାମପୁର ଅବକାରୀ ବିଭାଗ କର୍ମଚାରୀ ଚଢ଼ାଉ କରିଥିଲେ ।ସେଥିରେ ଚୋରାଚାଲାଣ ହେଉଥିବା ୧ କ୍ୱିଣ୍ଟାଲ ୬୨କେଜି ଗଞ୍ଜେଇ ଓ ଦୁଇଟି ସ୍ମାର୍ଟ ମୋବାଇଲ ଫୋନ୍ କୁ ଅବକାରୀ ବିଭାଗ ଜବତ କରିଥିବା ବେଳେ ବ୍ୟବହୃତ ହୋଇଥିବା ଏକ ଧଳା ରଙ୍ଗର ମାରୁତି ସୁଜୁକି ଏସଏକ୍ସ୪ କାର ଯାହାର ରେଜିଷ୍ଟ୍ରେସନ୍ ନମ୍ବର- ଓଆର -୦୨-ଏଡବ୍ଲୁ-୯୮୮୧ (ମୂଳ ନମ୍ବର -ସିଜି ୦୪ ଏଚଏ ୨୮୧୧ )ରେ ବାପି ପ୍ରଧାନ (୨୬) ଓ ଜଣେ ନାବାଳକଙ୍କୁ କେସ ନମ୍ବର ୧୨୪/୨୬-୨୭ ଏନ୍ ଡି ପି ଏସ୍ ଅଧିନିୟମ ଅନୁସାରେ ଗିରଫ କରିଛି।ଉକ୍ତ ଗଂଜେଇଟି କନ୍ଧମାଳ ଜିଲ୍ଲାରୁ ବଲାଙ୍ଗୀର ଚୋରା ଚାଲାଣ କରୁଥିଲେ ବୋଲି ଅଭିଯୁକ୍ତ ବ୍ୟକ୍ତି ମାନେ ପ୍ରକାଶ କରିଥିଲେ। ଗିରଫ ଯୁବକ ହେଲେ ଫିରିଙ୍ଗିଆ ଥାନା ଅଂଚଳର ବୋଲି ଅବକାରୀ ବିଭାଗ ସୂତ୍ରରୁ ଜଣାପଡିଛି। ଚଢ଼ାଉ ମ ରାମପୁର, ଅବକାରୀ ବିଭାଗ ଅଧିକାରୀ ସମେତ ବଳେଶ୍ୱର ଧଙ୍ଗଡ଼ାମାଝୀ, ସିମାଞ୍ଚଳ ମାଝୀ, ବିନତା କୁମାର, ଡୁଲେଶ୍ୱର ପ୍ରଧାନ, ଦୈତାରୀ ତାଣ୍ଡି, ପୃଥ୍ଵୀରାଜ ବାଗ, ସିଦ୍ଧନ୍ତ ପଟ୍ଟାନାଏକ ଉକ୍ତ ଚଢାଉରେ ସାମିଲ ଥିଲେ ।

କଳାହାଣ୍ଡି ରୁ ବିଷ୍ଣୁ ଚରଣ ସ୍ୱାଇଁ ଙ୍କ ରିପୋର୍ଟ