କୋମନା ବ୍ଲକରେ ଗ୍ରାମ୍ୟ ଉନ୍ନୟନ ଯୋଜନାର ସମୀକ୍ଷା: ଗୁଣାତ୍ମକ କାର୍ଯ୍ୟାନ୍ୱୟନ ଉପରେ ସିଡିଓଙ୍କ ଗୁରୁତ୍ୱ

ନୂଆପଡ଼ା, ୧୧/୦୭ ( ପରମେଶ୍ୱର ମେହେର ) : ପ୍ରଧାନମନ୍ତ୍ରୀ ଆବାସ ଯୋଜନା–ଗ୍ରାମୀଣ (PMAY-G), ଭିବିଜି ରାମ-ଜି (VBG RAM-G), ଷ୍ଟେଟ୍ ଫାଇନାନ୍ସ କମିଶନ୍ (SFC) ସମେତ ବିଭିନ୍ନ ଗ୍ରାମ୍ୟ ଉନ୍ନୟନ ଯୋଜନାର ଅଗ୍ରଗତି ସମୀକ୍ଷା ବୈଠକ ଜିଲ୍ଲା ପରିଷଦର ମୁଖ୍ୟ ଉନ୍ନୟନ ତଥା ନିର୍ବାହୀ ଅଧିକାରୀ ଲମ୍ବୋଦର ଧରୁଆଙ୍କ ଅଧ୍ୟକ୍ଷତାରେ କୋମନା ବ୍ଲକ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ବୈଠକରେ କୋମନା ବ୍ଲକର ବିଡିଓ ପବିତ୍ର କୁମାର ସାମଲ, ଏବିଡିଓ ଭକ୍ତ ବନ୍ଧୁ ବୁଡେକଙ୍କ ସମେତ ସହକାରୀ ନିର୍ବାହୀ ଯନ୍ତ୍ରୀ (AEE), ସହକାରୀ ଯନ୍ତ୍ରୀ (AE), ଆପଣ, ବ୍ଲକ ପ୍ରକଳ୍ପ ସଂଯୋଜକ (ଗ୍ରାମୀଣ ଗୃହ) [BPC-RH], କନିଷ୍ଠ ଯନ୍ତ୍ରୀ (JE), ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ (PEO), ସହକାରୀ ବିକାଶ ସମ୍ପ୍ରସାରଣ ଅଧିକାରୀ (ADEO) ଓ ଗ୍ରାମ ରୋଜଗାର ସେବକ (GRS) ଉପସ୍ଥିତ ଥିଲେ। ବୈଠକରେ କୋମନା ବ୍ଲକରେ କାର୍ଯ୍ୟକାରୀ ହେଉଥିବା ଗ୍ରାମ୍ୟ ଉନ୍ନୟନ ଯୋଜନାର ଅଗ୍ରଗତିର ବିସ୍ତୃତ ସମୀକ୍ଷା କରାଯାଇଥିଲା। ମୁଖ୍ୟ ଉନ୍ନୟନ ଅଧିକାରୀ ଶ୍ରୀ ଧରୁଆ ଯୋଜନାର ସମୟୋପଯୋଗୀ କାର୍ଯ୍ୟାନ୍ୱୟନ ଉପରେ ଗୁରୁତ୍ୱାରୋପ କରି ଅବଶିଷ୍ଟ କାର୍ଯ୍ୟକୁ ତ୍ୱରାନ୍ୱିତ କରିବା, ଗୁଣାତ୍ମକ ମାନ ବଜାୟ ରଖିବା ଏବଂ ନିୟମିତ ଭାବେ ଅଗ୍ରଗତି ରିପୋର୍ଟ ଦାଖଲ କରିବାକୁ ସମ୍ପୃକ୍ତ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ। ଏହାସହ କ୍ଷେତ୍ରସ୍ତରୀୟ ଅଧିକାରୀମାନଙ୍କୁ ନିୟମିତ ପରିଦର୍ଶନ ବୃଦ୍ଧି କରିବା, ଚାଲୁଥିବା କାର୍ଯ୍ୟର ତଦାରଖ କରିବା, ଆବଶ୍ୟକସ୍ଥଳେ ହିତାଧିକାରୀମାନଙ୍କୁ ସଚେତନ ଓ ପ୍ରେରିତ କରିବା ସହ ନିର୍ଦ୍ଧାରିତ ସମୟସୀମା ମଧ୍ୟରେ ଧାର୍ଯ୍ୟ ଲକ୍ଷ୍ୟ ପୂରଣ କରିବାକୁ ପରାମର୍ଶ ଦେଇଥିଲେ। ସମସ୍ତ ବିଭାଗ ମଧ୍ୟରେ ସମନ୍ୱୟ ରକ୍ଷା କରି ଗ୍ରାମ୍ୟ ଉନ୍ନୟନ ଯୋଜନାଗୁଡ଼ିକର ଫଳପ୍ରଦ କାର୍ଯ୍ୟାନ୍ୱୟନ ସୁନିଶ୍ଚିତ କରିବାକୁ ମଧ୍ୟ ସେ ଆହ୍ୱାନ ଜଣାଇଥିଲେ।