SCB ମାନସିକ ରୋଗ ବିଭାଗରେ ରୋଗୀ ମୃତ, ମାଡ଼ ଅଭିଯୋଗ
କଟକ, ୩୦/୦୯ ( କାହୁଁ ଚରଣ ବାରିକ ) : ଏସ୍ସିବି ମେଡିକାଲ କଲେଜ ଓ ହସ୍ପିଟାଲର ମାନସିକ ରୋଗ ବିଭାଗରେ ଚିକିତ୍ସାଧୀନ ଜଣେ ରୋଗୀଙ୍କ ମୃତ୍ୟୁକୁ ନେଇ ଅଭିଯୋଗ ଉଠିଛି। ରୋଗୀଙ୍କୁ ମାଡ଼ ମରାଯାଇଥିବା ଏବଂ ଏଥିରେ ବିଭାଗର ସୁରକ୍ଷାକର୍ମୀ ଓ ଆଟେଣ୍ଡାଣ୍ଟଙ୍କ ସମ୍ପୃକ୍ତି ଥିବା ମୃତକଙ୍କ ପରିବାର ଅଭିଯୋଗ କରିଛି। ଘଟଣାକୁ ନେଇ ମଙ୍ଗଳାବାଗ ଥାନା ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।ମୃତକ ହେଉଛନ୍ତି ଯାଜପୁର ଜିଲ୍ଲାର ଶ୍ରୀକାନ୍ତ ଦାସ। ପରିବାରର ସୂଚନା ଅନୁଯାୟୀ, ସେ ସେପ୍ଟେମ୍ବର ୨୮ରେ ଏସ୍ସିବିର ମାନସିକ ରୋଗ ବିଭାଗରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ। ସୋମବାର ରାତିରେ ବିଭାଗରେ ତାଙ୍କ ମୃତଦେହ ମିଳିଥିଲା। ମୃତକଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ଚିହ୍ନ ଥିବା ପରିବାର ଦେଖିଥିବା ଅଭିଯୋଗ କରିଛି। ଏହାପରେ ମାନସିକ ରୋଗ ବିଭାଗରେ ନିୟୋଜିତ ସୁରକ୍ଷାକର୍ମୀଙ୍କ ଉପରେ ପରିବାର ସନ୍ଦେହ ପ୍ରକାଶ କରିବା ସହ ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛି। ତେବେ ମାଡ଼ ଯୋଗୁଁ ହିଁ ମୃତ୍ୟୁ ଘଟିଛି କି ନାହିଁ, ତାହା ଏବେ ତଦନ୍ତର ବିଷୟ। ପରିବାରର ଅଭିଯୋଗ ଆଧାରରେ ମଙ୍ଗଳାବାଗ ଥାନା ପୁଲିସ ମାମଲା ରୁଜୁ କରି ଘଟଣାର ପରିସ୍ଥିତି ଯାଞ୍ଚ କରୁଛି। ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି। ପୋଷ୍ଟମର୍ଟମ ରିପୋର୍ଟ ଓ ତଦନ୍ତ ପରେ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହେବ ବୋଲି ପୁଲିସ କହିଛି।ଘଟଣାରେ ସୁରକ୍ଷାକର୍ମୀ କିମ୍ବା ଅନ୍ୟ କୌଣସି କର୍ମଚାରୀଙ୍କ ପ୍ରକୃତ ସମ୍ପୃକ୍ତି ଥିଲା କି ନାହିଁ, ରୋଗୀଙ୍କ ମୃତ୍ୟୁ ପୂର୍ବରୁ କ’ଣ ଘଟିଥିଲା ଏବଂ ହସ୍ପିଟାଲରେ ସେ ସମୟରେ କିପରି ସୁରକ୍ଷା ବ୍ୟବସ୍ଥା ଥିଲା—ଏସବୁ ଦିଗରୁ ପୁଲିସ ତଦନ୍ତ କରୁଛି।
କଟକ, ୩୦/୦୯ ( କାହୁଁ ଚରଣ ବାରିକ ) : ଏସ୍ସିବି ମେଡିକାଲ କଲେଜ ଓ ହସ୍ପିଟାଲର ମାନସିକ ରୋଗ ବିଭାଗରେ ଚିକିତ୍ସାଧୀନ ଜଣେ ରୋଗୀଙ୍କ ମୃତ୍ୟୁକୁ ନେଇ ଅଭିଯୋଗ ଉଠିଛି। ରୋଗୀଙ୍କୁ ମାଡ଼ ମରାଯାଇଥିବା ଏବଂ ଏଥିରେ ବିଭାଗର ସୁରକ୍ଷାକର୍ମୀ ଓ ଆଟେଣ୍ଡାଣ୍ଟଙ୍କ ସମ୍ପୃକ୍ତି ଥିବା ମୃତକଙ୍କ ପରିବାର ଅଭିଯୋଗ କରିଛି। ଘଟଣାକୁ ନେଇ ମଙ୍ଗଳାବାଗ ଥାନା ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।ମୃତକ ହେଉଛନ୍ତି ଯାଜପୁର ଜିଲ୍ଲାର ଶ୍ରୀକାନ୍ତ ଦାସ। ପରିବାରର ସୂଚନା ଅନୁଯାୟୀ, ସେ ସେପ୍ଟେମ୍ବର ୨୮ରେ ଏସ୍ସିବିର ମାନସିକ ରୋଗ ବିଭାଗରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ। ସୋମବାର ରାତିରେ ବିଭାଗରେ ତାଙ୍କ ମୃତଦେହ ମିଳିଥିଲା। ମୃତକଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ଚିହ୍ନ ଥିବା ପରିବାର ଦେଖିଥିବା ଅଭିଯୋଗ କରିଛି। ଏହାପରେ ମାନସିକ ରୋଗ ବିଭାଗରେ ନିୟୋଜିତ ସୁରକ୍ଷାକର୍ମୀଙ୍କ ଉପରେ ପରିବାର ସନ୍ଦେହ ପ୍ରକାଶ କରିବା ସହ ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛି। ତେବେ ମାଡ଼ ଯୋଗୁଁ ହିଁ ମୃତ୍ୟୁ ଘଟିଛି କି ନାହିଁ, ତାହା ଏବେ ତଦନ୍ତର ବିଷୟ। ପରିବାରର ଅଭିଯୋଗ ଆଧାରରେ ମଙ୍ଗଳାବାଗ ଥାନା ପୁଲିସ ମାମଲା ରୁଜୁ କରି ଘଟଣାର ପରିସ୍ଥିତି ଯାଞ୍ଚ କରୁଛି। ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି। ପୋଷ୍ଟମର୍ଟମ ରିପୋର୍ଟ ଓ ତଦନ୍ତ ପରେ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହେବ ବୋଲି ପୁଲିସ କହିଛି।ଘଟଣାରେ ସୁରକ୍ଷାକର୍ମୀ କିମ୍ବା ଅନ୍ୟ କୌଣସି କର୍ମଚାରୀଙ୍କ ପ୍ରକୃତ ସମ୍ପୃକ୍ତି ଥିଲା କି ନାହିଁ, ରୋଗୀଙ୍କ ମୃତ୍ୟୁ ପୂର୍ବରୁ କ’ଣ ଘଟିଥିଲା ଏବଂ ହସ୍ପିଟାଲରେ ସେ ସମୟରେ କିପରି ସୁରକ୍ଷା ବ୍ୟବସ୍ଥା ଥିଲା—ଏସବୁ ଦିଗରୁ ପୁଲିସ ତଦନ୍ତ କରୁଛି।
