ତ୍ରିସ୍ତରୀୟ ପଞ୍ଚାୟତ ଓ ପୌର ନିର୍ବାଚନ ପୂର୍ବରୁ ବିଜେପିର 'ନୂଆଖାଇ ଭେଟଘାଟ' ଭବାନୀପାଟଣାରେ ମହାସମାବେଶ ଜରିଆରେ ପଶ୍ଚିମ ଓଡ଼ିଶା ଉପରେ ଫୋକସ୍
କଳାହାଣ୍ଡି, ୨୭/୦୯ ( ବିଷ୍ଣୁ ଚରଣ ସ୍ୱାଇଁ ) : ତ୍ରିସ୍ତରୀୟ ପଞ୍ଚାୟତ ଓ ପୌର ନିର୍ବାଚନ ପୂର୍ବରୁ ପଶ୍ଚିମ ଓଡ଼ିଶା ରାଜନୀତି ଗରମ। କଳାହାଣ୍ଡି ଜିଲ୍ଲା ଭବାନୀପାଟଣାର ଲାଲ ବାହାଦୁର ଷ୍ଟାଡିୟମଠାରେ ବିଜେପି ପକ୍ଷରୁ ଏକ ବ୍ୟୟବହୁଳ 'ନୂଆଖାଇ ଭେଟଘାଟ' ଏବଂ ମହାସମାବେଶ ଅନୁଷ୍ଠିତ ହୋଇଯାଇଛି। କଳାହାଣ୍ଡିର ପାରମ୍ପରିକ ନାଚ-ଗୀତ ଏବଂ ରୁଚିକର ଖାଦ୍ୟପେୟର ଆୟୋଜନ ସହ ପାରମ୍ପରିକ ରୀତିନୀତିରେ ଏହି କୃଷିଭିତ୍ତିକ ଗଣପର୍ବକୁ ପାଳନ କରାଯାଇଛି। ରାଜ୍ୟରେ ଶାସନର ୨ ବର୍ଷ ପୂରଣ ହେବା ପରେ ଗତକାଲି ଦଳୀୟ କାର୍ଯ୍ୟକାରିଣୀ ବୈଠକ ବସିଥିବା ବେଳେ, ଆଜି ନୂଆଖାଇ ଭେଟଘାଟ ଆଳରେ ଏହି ବିଶାଳ ସମାବେଶ କରି କର୍ମୀଙ୍କ ମଧ୍ୟରେ ଥିବା ପୁଞ୍ଜୀଭୂତ ଅସନ୍ତୋଷକୁ ପ୍ରଶମିତ କରିବାକୁ ଉଦ୍ୟମ କରାଯାଇଥିବା ଚର୍ଚ୍ଛା ହେଉଛି। ଏହି କାର୍ଯ୍ୟକ୍ରମରେ ଯୋଗଦେଇ ରାଜ୍ୟ ବିଜେପି ସଭାପତି ମନମୋହନ ସାମଲ କହିଛନ୍ତି ଯେ, ଏହି ଭେଟଘାଟ କୌଣସି ରାଜନୈତିକ କାର୍ଯ୍ୟକ୍ରମ ନୁହେଁ; ଏହା ଲୋକଙ୍କ ପରମ୍ପରା, ସଂସ୍କୃତି ଓ କୃଷି ସହ ଜଡ଼ିତ। ଏହା ସତ୍ତ୍ୱେ ମଧ୍ୟ ନିଜ ବକ୍ତବ୍ୟରେ ସେ ଚାଷୀଙ୍କ ଧାନର ଇନ୍پୁଟ୍ ସବ୍ସିଡି ଏବଂ ନୂତନ ସହାୟକ ମୂଲ୍ୟ ବୃଦ୍ଧି ପ୍ରସଙ୍ଗ ଉଠାଇବାକୁ ଭୁଲି ନାହାନ୍ତି। ଆଗାମୀ ନିର୍ବାଚନକୁ ଆଖିଆଗରେ ରଖି ପଶ୍ଚିମ ଓଡ଼ିଶାବାସୀଙ୍କ ଆବେଗ ସହ ଜଡ଼ିତ 'ନୂଆଖାଇ'କୁ ମାଧ୍ୟମ କରି ବିଜେପି ବାଜିମାତ୍ କରିବାକୁ ଲକ୍ଷ୍ୟ ରଖିଥିବା ଆଲୋଚନା ହେଉଛି।
କଳାହାଣ୍ଡି, ୨୭/୦୯ ( ବିଷ୍ଣୁ ଚରଣ ସ୍ୱାଇଁ ) : ତ୍ରିସ୍ତରୀୟ ପଞ୍ଚାୟତ ଓ ପୌର ନିର୍ବାଚନ ପୂର୍ବରୁ ପଶ୍ଚିମ ଓଡ଼ିଶା ରାଜନୀତି ଗରମ। କଳାହାଣ୍ଡି ଜିଲ୍ଲା ଭବାନୀପାଟଣାର ଲାଲ ବାହାଦୁର ଷ୍ଟାଡିୟମଠାରେ ବିଜେପି ପକ୍ଷରୁ ଏକ ବ୍ୟୟବହୁଳ 'ନୂଆଖାଇ ଭେଟଘାଟ' ଏବଂ ମହାସମାବେଶ ଅନୁଷ୍ଠିତ ହୋଇଯାଇଛି। କଳାହାଣ୍ଡିର ପାରମ୍ପରିକ ନାଚ-ଗୀତ ଏବଂ ରୁଚିକର ଖାଦ୍ୟପେୟର ଆୟୋଜନ ସହ ପାରମ୍ପରିକ ରୀତିନୀତିରେ ଏହି କୃଷିଭିତ୍ତିକ ଗଣପର୍ବକୁ ପାଳନ କରାଯାଇଛି। ରାଜ୍ୟରେ ଶାସନର ୨ ବର୍ଷ ପୂରଣ ହେବା ପରେ ଗତକାଲି ଦଳୀୟ କାର୍ଯ୍ୟକାରିଣୀ ବୈଠକ ବସିଥିବା ବେଳେ, ଆଜି ନୂଆଖାଇ ଭେଟଘାଟ ଆଳରେ ଏହି ବିଶାଳ ସମାବେଶ କରି କର୍ମୀଙ୍କ ମଧ୍ୟରେ ଥିବା ପୁଞ୍ଜୀଭୂତ ଅସନ୍ତୋଷକୁ ପ୍ରଶମିତ କରିବାକୁ ଉଦ୍ୟମ କରାଯାଇଥିବା ଚର୍ଚ୍ଛା ହେଉଛି। ଏହି କାର୍ଯ୍ୟକ୍ରମରେ ଯୋଗଦେଇ ରାଜ୍ୟ ବିଜେପି ସଭାପତି ମନମୋହନ ସାମଲ କହିଛନ୍ତି ଯେ, ଏହି ଭେଟଘାଟ କୌଣସି ରାଜନୈତିକ କାର୍ଯ୍ୟକ୍ରମ ନୁହେଁ; ଏହା ଲୋକଙ୍କ ପରମ୍ପରା, ସଂସ୍କୃତି ଓ କୃଷି ସହ ଜଡ଼ିତ। ଏହା ସତ୍ତ୍ୱେ ମଧ୍ୟ ନିଜ ବକ୍ତବ୍ୟରେ ସେ ଚାଷୀଙ୍କ ଧାନର ଇନ୍پୁଟ୍ ସବ୍ସିଡି ଏବଂ ନୂତନ ସହାୟକ ମୂଲ୍ୟ ବୃଦ୍ଧି ପ୍ରସଙ୍ଗ ଉଠାଇବାକୁ ଭୁଲି ନାହାନ୍ତି। ଆଗାମୀ ନିର୍ବାଚନକୁ ଆଖିଆଗରେ ରଖି ପଶ୍ଚିମ ଓଡ଼ିଶାବାସୀଙ୍କ ଆବେଗ ସହ ଜଡ଼ିତ 'ନୂଆଖାଇ'କୁ ମାଧ୍ୟମ କରି ବିଜେପି ବାଜିମାତ୍ କରିବାକୁ ଲକ୍ଷ୍ୟ ରଖିଥିବା ଆଲୋଚନା ହେଉଛି।
