୨୮ ବର୍ଷ ପରେ ଏକାଠି ହେଲେ ୧୯୯୮ ବ୍ୟାଚର ସହପାଠୀ : ଗୁରୁପୂଜନ, ବନ୍ଧୁମିଳନ ଓ ‘ସ୍ମୃତିର ଝଲକ’ ପୁସ୍ତକ ଉନ୍ମୋଚନ
ବିଂଝାରପୁର, ୧୨/୦୬ (ପ୍ରଦୀପ କୁମାର ମଲ୍ଲିକ) : ବିଂଝାରପୁର ବ୍ଲକ ଅନ୍ତର୍ଗତ ଅଗ୍ରଣୀ ଶିକ୍ଷାନୁଷ୍ଠାନ ଓଳେଇ ଚନ୍ଦନପୁର ସରକାରୀ ଉଚ୍ଚ ବିଦ୍ୟାଳୟର ୧୯୯୮ ମାଟ୍ରିକ ବ୍ୟାଚର ଗୁରୁପୂଜନ ଓ ବନ୍ଧୁମିଳନ ଉତ୍ସବ ଶୁକ୍ରବାର ଆଡ଼ମ୍ବରପୂର୍ଣ୍ଣ ପରିବେଶରେ ଅନୁଷ୍ଠିତ ହୋଇଯାଇଛି। ଦୀର୍ଘ ୨୮ ବର୍ଷ ପରେ ଏକାଠି ହୋଇଥିବା ସହପାଠୀମାନେ ବିଦ୍ୟାଳୟ ଜୀବନର ଅମଳିନ ସ୍ମୃତିକୁ ମନେପକାଇ ଭାବବିହ୍ୱଳ ହୋଇପଡ଼ିଥିଲେ। କାର୍ଯ୍ୟକ୍ରମଟି ଶିକ୍ଷକ-ଶିକ୍ଷୟିତ୍ରୀଙ୍କ ପ୍ରତି କୃତଜ୍ଞତା, ବନ୍ଧୁତ୍ୱର ନିବିଡ଼ତା ଓ ସାମାଜିକ ଦାୟିତ୍ୱବୋଧର ଏକ ଉଜ୍ଜ୍ୱଳ ଦୃଷ୍ଟାନ୍ତ ପାଲଟିଥିଲା। ଉତ୍ସବରେ ଦୁର୍ଯ୍ୟଧନ ଦାସ ସଭାପତିତ୍ୱ କରିଥିବା ବେଳେ ପ୍ରଦୀପ କୁମାର ଜେନା ସଭା ପରିଚାଳନା କରିଥିଲେ। ପ୍ରଥମେ ଉପସ୍ଥିତ ଗୁରୁଜନମାନଙ୍କୁ ଫୁଲ ଓ ଚନ୍ଦନ ଅର୍ପଣ କରି ଗୁରୁପୂଜନ କରାଯାଇଥିଲା। ପରେ ଦୀପ ପ୍ରଜ୍ୱଳନ ସହ ସଭାକାର୍ଯ୍ୟ ଆରମ୍ଭ ହୋଇଥିଲା। ଏହି ଅବସରରେ ୧୯୯୮ ବ୍ୟାଚର ଛାତ୍ରଛାତ୍ରୀମାନଙ୍କ ଦ୍ୱାରା ସମ୍ପାଦିତ ଓ ପ୍ରକାଶିତ ସ୍ମରଣୀୟ ପୁସ୍ତକ ‘ସ୍ମୃତିର ଝଲକ’ କୁ ମଞ୍ଚାସୀନ ସଭାପତି ଓ ଅତିଥିମାନଙ୍କ ଦ୍ୱାରା ଉନ୍ମୋଚନ କରାଯାଇଥିଲା। ପୁସ୍ତକଟିରେ ବିଦ୍ୟାଳୟ ଜୀବନର ଅନୁଭୂତି, ସହପାଠୀଙ୍କ ସ୍ମୃତିଚାରଣ, ଗୁରୁଜନଙ୍କ ଅବଦାନ ଏବଂ ବିଭିନ୍ନ ପ୍ରେରଣାଦାୟକ ଲେଖା ସ୍ଥାନ ପାଇଥିବା ଜଣାପଡ଼ିଛି। ବିଶେଷ ଆକର୍ଷଣ ଥିଲା ୫୭ ଜଣ ସହପାଠୀଙ୍କ ଉପସ୍ଥିତି। ସମସ୍ତେ ନିଜ ନିଜ କର୍ମଜୀବନ ଓ ପାରିବାରିକ ବ୍ୟସ୍ତତା ମଧ୍ୟରୁ ସମୟ କାଢ଼ି ପୁରୁଣା ବିଦ୍ୟାଳୟ ପ୍ରାଙ୍ଗଣରେ ଏକତ୍ରିତ ହୋଇଥିଲେ। ବିଦ୍ୟାଳୟରେ ପଢ଼ୁଥିବା ସମୟର ବିଭିନ୍ନ ଘଟଣା, ଶିକ୍ଷକମାନଙ୍କ ସ୍ନେହ, ଶୃଙ୍ଖଳା ଓ ସଫଳତାର କାହାଣୀକୁ ମନେପକାଇ ସେମାନେ ଅତୀତକୁ ଫେରିଯାଇଥିଲେ। ସାମାଜିକ ଓ ସାଂସ୍କୃତିକ ଦାୟିତ୍ୱବୋଧର ପରିଚୟ ଦେଇ ଏହି ବ୍ୟାଚର ଛାତ୍ରଛାତ୍ରୀମାନେ ବିଦ୍ୟାଳୟ ପରିସରରେ ଏକ ଶ୍ରୀଗଣେଶ ମୂର୍ତ୍ତି ସ୍ଥାପନ କରିଛନ୍ତି। ଏହାସହ ଗୁରୁବାର ଦିନ ବିଦ୍ୟାଳୟ ପରିସରକୁ ସ୍ୱଚ୍ଛ କରିବା ପାଇଁ ସଫେଇ କାର୍ଯ୍ୟକ୍ରମ ଆୟୋଜନ କରାଯାଇଥିବା ବେଳେ ବୃକ୍ଷରୋପଣ କରି ପରିବେଶ ସୁରକ୍ଷା ପ୍ରତି ସଚେତନତାର ବାର୍ତ୍ତା ଦିଆଯାଇଥିଲା। ଭବିଷ୍ୟତରେ ବିଦ୍ୟାଳୟର ବିକାଶ, ମେଧାବୀ ଛାତ୍ରଛାତ୍ରୀଙ୍କୁ ସହାୟତା ଏବଂ ଶିକ୍ଷାର ଉନ୍ନତି ପାଇଁ ସମସ୍ତ ସହପାଠୀ ମିଳିତ ଭାବେ କାମ କରିବାକୁ ସଂକଳ୍ପ ନେଇଥିଲେ।ଉତ୍ସବରେ ବିଦ୍ୟାଳୟର ୨୪ ଜଣ ବିଶିଷ୍ଟ ବ୍ୟକ୍ତି ଓ ସହପାଠୀଙ୍କୁ ପୁଷ୍ପଗୁଚ୍ଛ, ଉତ୍ତରୀୟ ଓ ସ୍ମାରକୀ ପ୍ରଦାନ କରି ସମ୍ମାନିତ କରାଯାଇଥିଲା। ସମ୍ବର୍ଦ୍ଧିତ ବ୍ୟକ୍ତିମାନେ ହେଲେ ଦୁର୍ଯ୍ୟଧନ ଦାସ, ଅଶୋକ କୁମାର ଦାସ , ପ୍ରଦୀପ କୁମାର ଜେନା , ରତିକାନ୍ତ ଦାସ, ବିଗ୍ନେଶ ଥାଟୋଇ, ସୋମନାଥ ବାରିକ, ସୁରଭି ପରିଡ଼ା, ଶୁଶ୍ରୀ ଲିପିକା ଦାସ, କବିତା ବରଦା, ଦିବାକର ମଲିକ, ପ୍ରଦୀପ୍ତ ମିଶ୍ର, ଆରତୀ ପଟେଲ, ଆନନ୍ଦ କୁମାର ଦାସ,ଦାମୋଦର ନାୟକ, ଦେବେନ୍ଦ୍ର ସାମଲ, କିଶୋର ମଲ୍ଲିକ, କୃପାସିନ୍ଧୁ ପତି, ରମେଶ ଚନ୍ଦ୍ର ଥଟୋଇ, ନରୋତ୍ତମ ନାୟକ, ପରମେଶ୍ୱର ରାଉତ, ରଶ୍ମୀତ କୁମାର ସାହାଣୀ, ଅନନ୍ତ ଚରଣ ବାରିକ, ରାମ ଚନ୍ଦ୍ର ବେହେରା ଏବଂ ସୁବାଷ କୁମାର ମଲିକ। ଶେଷରେ ସମସ୍ତ ସହପାଠୀ ଏପରି ବନ୍ଧୁମିଳନ କାର୍ଯ୍ୟକ୍ରମକୁ ଆଗାମୀ ଦିନରେ ଆହୁରି ବ୍ୟାପକ କରିବା ସହ ବିଦ୍ୟାଳୟ ଓ ସମାଜର ଉନ୍ନତି ପାଇଁ ସମୂହ ଉଦ୍ୟମ ଜାରି ରଖିବାକୁ ମତ ପ୍ରକାଶ କରିଥିଲେ। ଗୁରୁଜନଙ୍କ ଆଶୀର୍ବାଦ ଓ ସହପାଠୀଙ୍କ ଆତ୍ମୀୟ ମିଳନ ଏହି ଆୟୋଜନକୁ ସ୍ମରଣୀୟ ଓ ଐତିହାସିକ କରିଥିଲା।
ବିଂଝାରପୁର, ୧୨/୦୬ (ପ୍ରଦୀପ କୁମାର ମଲ୍ଲିକ) : ବିଂଝାରପୁର ବ୍ଲକ ଅନ୍ତର୍ଗତ ଅଗ୍ରଣୀ ଶିକ୍ଷାନୁଷ୍ଠାନ ଓଳେଇ ଚନ୍ଦନପୁର ସରକାରୀ ଉଚ୍ଚ ବିଦ୍ୟାଳୟର ୧୯୯୮ ମାଟ୍ରିକ ବ୍ୟାଚର ଗୁରୁପୂଜନ ଓ ବନ୍ଧୁମିଳନ ଉତ୍ସବ ଶୁକ୍ରବାର ଆଡ଼ମ୍ବରପୂର୍ଣ୍ଣ ପରିବେଶରେ ଅନୁଷ୍ଠିତ ହୋଇଯାଇଛି। ଦୀର୍ଘ ୨୮ ବର୍ଷ ପରେ ଏକାଠି ହୋଇଥିବା ସହପାଠୀମାନେ ବିଦ୍ୟାଳୟ ଜୀବନର ଅମଳିନ ସ୍ମୃତିକୁ ମନେପକାଇ ଭାବବିହ୍ୱଳ ହୋଇପଡ଼ିଥିଲେ। କାର୍ଯ୍ୟକ୍ରମଟି ଶିକ୍ଷକ-ଶିକ୍ଷୟିତ୍ରୀଙ୍କ ପ୍ରତି କୃତଜ୍ଞତା, ବନ୍ଧୁତ୍ୱର ନିବିଡ଼ତା ଓ ସାମାଜିକ ଦାୟିତ୍ୱବୋଧର ଏକ ଉଜ୍ଜ୍ୱଳ ଦୃଷ୍ଟାନ୍ତ ପାଲଟିଥିଲା। ଉତ୍ସବରେ ଦୁର୍ଯ୍ୟଧନ ଦାସ ସଭାପତିତ୍ୱ କରିଥିବା ବେଳେ ପ୍ରଦୀପ କୁମାର ଜେନା ସଭା ପରିଚାଳନା କରିଥିଲେ। ପ୍ରଥମେ ଉପସ୍ଥିତ ଗୁରୁଜନମାନଙ୍କୁ ଫୁଲ ଓ ଚନ୍ଦନ ଅର୍ପଣ କରି ଗୁରୁପୂଜନ କରାଯାଇଥିଲା। ପରେ ଦୀପ ପ୍ରଜ୍ୱଳନ ସହ ସଭାକାର୍ଯ୍ୟ ଆରମ୍ଭ ହୋଇଥିଲା। ଏହି ଅବସରରେ ୧୯୯୮ ବ୍ୟାଚର ଛାତ୍ରଛାତ୍ରୀମାନଙ୍କ ଦ୍ୱାରା ସମ୍ପାଦିତ ଓ ପ୍ରକାଶିତ ସ୍ମରଣୀୟ ପୁସ୍ତକ ‘ସ୍ମୃତିର ଝଲକ’ କୁ ମଞ୍ଚାସୀନ ସଭାପତି ଓ ଅତିଥିମାନଙ୍କ ଦ୍ୱାରା ଉନ୍ମୋଚନ କରାଯାଇଥିଲା। ପୁସ୍ତକଟିରେ ବିଦ୍ୟାଳୟ ଜୀବନର ଅନୁଭୂତି, ସହପାଠୀଙ୍କ ସ୍ମୃତିଚାରଣ, ଗୁରୁଜନଙ୍କ ଅବଦାନ ଏବଂ ବିଭିନ୍ନ ପ୍ରେରଣାଦାୟକ ଲେଖା ସ୍ଥାନ ପାଇଥିବା ଜଣାପଡ଼ିଛି। ବିଶେଷ ଆକର୍ଷଣ ଥିଲା ୫୭ ଜଣ ସହପାଠୀଙ୍କ ଉପସ୍ଥିତି। ସମସ୍ତେ ନିଜ ନିଜ କର୍ମଜୀବନ ଓ ପାରିବାରିକ ବ୍ୟସ୍ତତା ମଧ୍ୟରୁ ସମୟ କାଢ଼ି ପୁରୁଣା ବିଦ୍ୟାଳୟ ପ୍ରାଙ୍ଗଣରେ ଏକତ୍ରିତ ହୋଇଥିଲେ। ବିଦ୍ୟାଳୟରେ ପଢ଼ୁଥିବା ସମୟର ବିଭିନ୍ନ ଘଟଣା, ଶିକ୍ଷକମାନଙ୍କ ସ୍ନେହ, ଶୃଙ୍ଖଳା ଓ ସଫଳତାର କାହାଣୀକୁ ମନେପକାଇ ସେମାନେ ଅତୀତକୁ ଫେରିଯାଇଥିଲେ। ସାମାଜିକ ଓ ସାଂସ୍କୃତିକ ଦାୟିତ୍ୱବୋଧର ପରିଚୟ ଦେଇ ଏହି ବ୍ୟାଚର ଛାତ୍ରଛାତ୍ରୀମାନେ ବିଦ୍ୟାଳୟ ପରିସରରେ ଏକ ଶ୍ରୀଗଣେଶ ମୂର୍ତ୍ତି ସ୍ଥାପନ କରିଛନ୍ତି। ଏହାସହ ଗୁରୁବାର ଦିନ ବିଦ୍ୟାଳୟ ପରିସରକୁ ସ୍ୱଚ୍ଛ କରିବା ପାଇଁ ସଫେଇ କାର୍ଯ୍ୟକ୍ରମ ଆୟୋଜନ କରାଯାଇଥିବା ବେଳେ ବୃକ୍ଷରୋପଣ କରି ପରିବେଶ ସୁରକ୍ଷା ପ୍ରତି ସଚେତନତାର ବାର୍ତ୍ତା ଦିଆଯାଇଥିଲା। ଭବିଷ୍ୟତରେ ବିଦ୍ୟାଳୟର ବିକାଶ, ମେଧାବୀ ଛାତ୍ରଛାତ୍ରୀଙ୍କୁ ସହାୟତା ଏବଂ ଶିକ୍ଷାର ଉନ୍ନତି ପାଇଁ ସମସ୍ତ ସହପାଠୀ ମିଳିତ ଭାବେ କାମ କରିବାକୁ ସଂକଳ୍ପ ନେଇଥିଲେ।
ଉତ୍ସବରେ ବିଦ୍ୟାଳୟର ୨୪ ଜଣ ବିଶିଷ୍ଟ ବ୍ୟକ୍ତି ଓ ସହପାଠୀଙ୍କୁ ପୁଷ୍ପଗୁଚ୍ଛ, ଉତ୍ତରୀୟ ଓ ସ୍ମାରକୀ ପ୍ରଦାନ କରି ସମ୍ମାନିତ କରାଯାଇଥିଲା। ସମ୍ବର୍ଦ୍ଧିତ ବ୍ୟକ୍ତିମାନେ ହେଲେ ଦୁର୍ଯ୍ୟଧନ ଦାସ, ଅଶୋକ କୁମାର ଦାସ , ପ୍ରଦୀପ କୁମାର ଜେନା , ରତିକାନ୍ତ ଦାସ, ବିଗ୍ନେଶ ଥାଟୋଇ, ସୋମନାଥ ବାରିକ, ସୁରଭି ପରିଡ଼ା, ଶୁଶ୍ରୀ ଲିପିକା ଦାସ, କବିତା ବରଦା, ଦିବାକର ମଲିକ, ପ୍ରଦୀପ୍ତ ମିଶ୍ର, ଆରତୀ ପଟେଲ, ଆନନ୍ଦ କୁମାର ଦାସ,ଦାମୋଦର ନାୟକ, ଦେବେନ୍ଦ୍ର ସାମଲ, କିଶୋର ମଲ୍ଲିକ, କୃପାସିନ୍ଧୁ ପତି, ରମେଶ ଚନ୍ଦ୍ର ଥଟୋଇ, ନରୋତ୍ତମ ନାୟକ, ପରମେଶ୍ୱର ରାଉତ, ରଶ୍ମୀତ କୁମାର ସାହାଣୀ, ଅନନ୍ତ ଚରଣ ବାରିକ, ରାମ ଚନ୍ଦ୍ର ବେହେରା ଏବଂ ସୁବାଷ କୁମାର ମଲିକ। ଶେଷରେ ସମସ୍ତ ସହପାଠୀ ଏପରି ବନ୍ଧୁମିଳନ କାର୍ଯ୍ୟକ୍ରମକୁ ଆଗାମୀ ଦିନରେ ଆହୁରି ବ୍ୟାପକ କରିବା ସହ ବିଦ୍ୟାଳୟ ଓ ସମାଜର ଉନ୍ନତି ପାଇଁ ସମୂହ ଉଦ୍ୟମ ଜାରି ରଖିବାକୁ ମତ ପ୍ରକାଶ କରିଥିଲେ। ଗୁରୁଜନଙ୍କ ଆଶୀର୍ବାଦ ଓ ସହପାଠୀଙ୍କ ଆତ୍ମୀୟ ମିଳନ ଏହି ଆୟୋଜନକୁ ସ୍ମରଣୀୟ ଓ ଐତିହାସିକ କରିଥିଲା।
