"ଡାବୁଗାଁ ବ୍ଲକର କୈଲାରି ଗ୍ରାମରେ ଟ୍ରାକ୍ଟର ଓଲଟି ଦୁଃଖଦ ଦୁର୍ଘଟଣା — ଚାଳକ ଭଗବାନ କଲାଙ୍କ ଘଟଣାସ୍ଥଳରେ ମୃତ୍ୟୁ"

ନବରଙ୍ଗପୁର, ଡାବୁଗାଁ, ୨୧/୭ ( ନକୁଳ ଭତ୍ରା ) : ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକର ଜୁନାପାନୀ ପଞ୍ଚାୟତ ଅଧୀନ ଥିବା କୈଲାରି ଗ୍ରାମରେ ଆଜି ଅପରାହ୍ନ ଏକ ଦୁଃଖଦ ଓ ଅପ୍ରତ୍ୟାଶିତ ଦୁର୍ଘଟଣା ଘଟିଛି। ଜମିରେ ଚାଷ କାର୍ଯ୍ୟ କରୁଥିବା ବେଳେ ହଠାତ୍ ଏକ ଟ୍ରାକ୍ଟର ଓଲଟିପଡିବା ଘଟଣା ଘଟିଥିବା ଓ ତାହାରେ ଚାଳକଙ୍କ ଘଟଣାସ୍ଥଳରେ ମୃତ୍ୟୁ ଘଟିବା ଖବର ମିଳିଛି। ମୃତ ଚାଳକଙ୍କ ପରିଚୟ ହେଉଛନ୍ତି – ଭଗବାନ କଲା (ବୟସ: ୩୮), ଅଞ୍ଚଳରେ ପରିଚିତ ଏବଂ କୈଲାରି ଗ୍ରାମର ଅବାସିକ। ସୂଚନା ଅନୁସାରେ ସେ ନିଜ ଜମିରେ ଚାଷ କରୁଥିବା ବେଳେ ଟ୍ରାକ୍ଟର ନିୟନ୍ତ୍ରଣ ହାରାଇ ଓଲଟିପଡିଥିଲା, ଫଳରେ ତାଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ଘଟଣା ସୂଚନା ପାଇ ଡାବୁଗାଁ ଥାନା ପୋଲିସ ଘଟଣାସ୍ଥଳକୁ ପହଞ୍ଚି ଶବକୁ ଜବତ କରି, ଆବଶ୍ୟକ ଆଇନଗତ ପଦକ୍ଷେପ ଗ୍ରହଣ କରିଛନ୍ତି। ମୃତଦେହକୁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଯାଇଛି ଶବପରୀକ୍ଷା ପାଇଁ, ଏହା ପରେ ଶବ ତାଙ୍କ ପରିବାରକୁ ହସ୍ତାନ୍ତର କରାଯିବ। ଏହି ଅପମୃତ୍ୟୁ ଘଟଣାରେ ଅଞ୍ଚଳରେ ଶୋକ ଚାପିଛି। ଗ୍ରାମବାସୀମାନେ ଭଗବାନ କଲାଙ୍କ ବିୟୋଗକୁ ଅପରିହାର୍ଯ୍ୟ କଷ୍ଟ ସ୍ୱରୂପ ମନେ କରୁଛନ୍ତି ଓ ସରକାର ପକ୍ଷରୁ ତାଙ୍କ ପରିବାରକୁ ଆର୍ଥିକ ସାହାଯ୍ୟ ଦେବା ଦାବି କରୁଛନ୍ତି।