ଭବାନୀପାଟଣାରେ କଳାହାଣ୍ଡି ପ୍ରୋଫେସନାଲ ଫଟୋଗ୍ରାଫର ଆସୋସିଏସନ (KpPA) ପକ୍ଷରୁ 'ବିଶ୍ୱ ଫଟୋଗ୍ରାଫି ଦିବସ' ପାଳିତ

ଭବାନୀପାଟଣା, ୧୯/୦୮ ( ବିଷ୍ଣୁ ଚରଣ ସ୍ୱାଇଁ ) : ଆଜି ବିଶ୍ୱ ଫଟୋଗ୍ରାଫି ଦିବସ ଅବସରରେ କଳାହାଣ୍ଡି ପ୍ରୋଫେସନାଲ ଫଟୋଗ୍ରାଫର ଆସୋସିଏସନ (KpPA) ପକ୍ଷରୁ ଏକ ବିଶେଷ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ଫଟୋଗ୍ରାଫି କଳା ପ୍ରତି ଶ୍ରଦ୍ଧା ଓ ଆଦର ସୃଷ୍ଟି କରିବା ସହ ସଙ୍ଘର ସମସ୍ତ ସଦସ୍ୟଙ୍କ ନିରବଚ୍ଛିନ୍ନ ଅବଦାନକୁ ସମ୍ମାନ ଜଣାଇବା ଉଦ୍ଦେଶ୍ୟରେ ଏହି ସମାରୋହର ଆୟୋଜନ କରାଯାଇଥିଲା। ​ସଙ୍ଘ ପକ୍ଷରୁ ମିଳିଥିବା ସୂଚନା ଅନୁଯାୟୀ, ଆଜି ଅପରାହ୍ନ ୪:୦୦ ଟାରେ ଭବାନୀପାଟଣାସ୍ଥିତ ଭାରତୀ ଫଟୋ ଷ୍ଟୁଡିଓଠାରେ ଆସୋସିଏସନର ୩୦ ରୁ ଊର୍ଦ୍ଧ୍ୱ ଫଟୋଗ୍ରାଫର ଭାଇ ଉପସ୍ଥିତ ରହି କେକ୍ କାଟି ବିଶ୍ୱ ଫଟୋଗ୍ରାଫି ଦିବସ ପାଳନ କରିଥିଲେ। ଏହାପରେ ସନ୍ଧ୍ୟା ୫:୦୦ ଟାରେ ସମସ୍ତ ସଦସ୍ୟ ମାଁ ମାଣିକେଶ୍ୱରୀଙ୍କ ଦର୍ଶନ କରିବା ସହ ମନ୍ଦିର ସମ୍ମୁଖରେ ସାମୂହିକ (ଗ୍ରୁପ୍) ଫଟୋ ଉତ୍ତୋଳନ କରିଥିଲେ। ସନ୍ଧ୍ୟା ୫:୩୦ ରେ 'ଲଲିତ ଇଲେକ୍ଟ୍ରୋନିକ୍ସ'ର ନିମନ୍ତ୍ରଣ କ୍ରମେ ସେଠାରେ KpPAର ସମସ୍ତ ସଦସ୍ୟଙ୍କ ଉପସ୍ଥିତିରେ ପୁନର୍ବାର କେକ୍ କଟାଯିବା ସହ ଉପସ୍ଥିତ ସାମ୍ବାଦିକ ଓ ଫଟୋଗ୍ରାଫରମାନଙ୍କୁ ସମ୍ବର୍ଦ୍ଧିତ କରାଯାଇଥିଲା। ଏହି ଶୁଭ ଅବସରରେ ସମସ୍ତ ସଦସ୍ୟଙ୍କ ସର୍ବସମ୍ମତି କ୍ରମେ ବରିଷ୍ଠ ଫଟୋଗ୍ରାଫର ଶ୍ରୀମାନ୍ ରଞ୍ଜନ ସାହୁଙ୍କୁ କଳାହାଣ୍ଡି ପ୍ରୋଫେସନାଲ ଫଟୋଗ୍ରାଫର ଆସୋସିଏସନ (KpPA) ର ନୂତନ ଉପଦେଷ୍ଟା (ଆଡଭାଇଜର) ରୂପେ ମନୋନୀତ କରାଯାଇଥିଲା। ​KpPA ସଭାପତି ଶ୍ରୀ ପ୍ରଦୀପ ରାଉତଙ୍କ ନିର୍ଦ୍ଦେଶକ୍ରମେ କଳାହାଣ୍ଡି ଜିଲ୍ଲାର ପ୍ରତ୍ୟେକ ବ୍ଲକର ଫଟୋଗ୍ରାଫରମାନେ ନିଜ ନିଜ ଅଞ୍ଚଳରେ ଏହି ଦିବସ ପାଳନ କରିଛନ୍ତି। ବିଶେଷ କରି କେସିଙ୍ଗା, ଧର୍ମଗଡ଼, ଗୋଲାମୁଣ୍ଡା, ନର୍ଲା, ଏମ. ରାମପୁର, ଉତ୍କେଲା ଓ ଜୟପାଟଣା ଆଦି ସ୍ଥାନରେ ଥିବା ଷ୍ଟୁଡ଼ିଓଗୁଡ଼ିକରେ ବେଶ୍ ଉତ୍ସାହର ସହ ବିଶ୍ୱ ଫଟୋଗ୍ରାଫି ଦିବସ ପାଳିତ ହୋଇଯାଇଛି। ସମସ୍ତ କାର୍ଯ୍ୟକ୍ରମକୁ ସଫଳ ଓ ସାଫଲ୍ୟମଣ୍ଡିତ କରିଥିବାରୁ KpPAର କାର୍ଯ୍ୟକାରୀ ସମ୍ପାଦକ ଶ୍ରୀ ଦୁଃଖୀଶ୍ୟାମ ପ୍ରଧାନ ସଂଘର ସମସ୍ତ ସଦସ୍ୟଙ୍କୁ ଆନ୍ତରିକ ଧନ୍ୟବାଦ ଅର୍ପଣ କରିଥିଲେ

କଳାହାଣ୍ଡି ଜିଲ୍ଲା ପ୍ରତିନିଧି ବିଷ୍ଣୁ ଚରଣ ସ୍ୱାଇଁ ଙ୍କ ରିପୋର୍ଟ