କଳାହାଣ୍ଡି, ୦୧/୦୮ ( ବିଷ୍ଣୁ ଚରଣ ସ୍ୱାଇଁ ) : ଆମ ଭାଷା, ସଂସ୍କୃତି, ପରମ୍ପରା ଓ ପରିଚୟର ପ୍ରତୀକ ସମ୍ବଲପୁରୀ ଦିବସକୁ ନେଇ କଳାହାଣ୍ଡି ଭବାନୀପାଟଣାରେ ଆୟୋଜିତ ହେଲା ସ୍ୱତନ୍ତ୍ର ଉତ୍ସବ। ଆର୍ ଟାଇଗର୍ସ ଫିଟନେସ୍ ଷ୍ଟୁଡିଓ ୨.୦ ଏବଂ ଏକେ ଯୋଗ ଷ୍ଟୁଡିଓ ପକ୍ଷରୁ ହିଲ୍ ଟାଉନ୍, ଭବାନୀପାଟଣାରେ ଏହି ଉତ୍ସବ ଆୟୋଜନ କରାଯାଇଥିଲା। ସନ୍ଧ୍ୟା ୫ଟା ୩୦ରୁ ରାତି ୮ଟା ପର୍ଯ୍ୟନ୍ତ ଚାଲିଥିଲା ଏହି ଉତ୍ସବ। କାର୍ଯ୍ୟକ୍ରମରେ ସମ୍ବଲପୁରୀ ନୃତ୍ୟ ପ୍ରଦର୍ଶନ, କେକ୍ କଟିଂ ସହ ବିଭିନ୍ନ ମନୋରଞ୍ଜନ ଓ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା। ସମ୍ବଲପୁରୀ ସଂସ୍କୃତିର ପ୍ରଚାର ଓ ପ୍ରସାର ସହ ନିଜ ପରମ୍ପରା ଓ ପରିଚୟକୁ ଗର୍ବର ସହ ପାଳନ କରିବା ପାଇଁ ବହୁ ସଂଖ୍ୟାରେ ଲୋକେ ଏହି ଉତ୍ସବରେ ସାମିଲ ହୋଇଥିଲେ। ସମ୍ବଲପୁରୀ ପୋଷାକରେ ସଜ୍ଜିତ ହୋଇ ଅଂଶଗ୍ରହଣକାରୀମାନେ ଉତ୍ସବକୁ ଅଧିକ ଆକର୍ଷଣୀୟ କରିଥିଲେ। ଏହି ଅବସରରେ ଆୟୋଜକଙ୍କ ମଧ୍ୟରେ ବେଶ୍ ଉତ୍ସାହ ଓ ଉଦ୍ଦୀପନା ଦେଖିବାକୁ ମିଳିଥିଲା। ସମ୍ବଲପୁରୀ ସଂସ୍କୃତି ଓ ପରମ୍ପରା ଓଡ଼ିଶାର ପଶ୍ଚିମାଞ୍ଚଳର ଏକ ସମୃଦ୍ଧ ଲୋକସଂସ୍କୃତିର ପରିଚୟ। ସମ୍ବଲପୁରୀ ଗୀତ ଓ ସଙ୍ଗୀତ ସମ୍ବଲପୁରୀ ନୃତ୍ୟ ସମ୍ବଲପୁରୀ ବସ୍ତ୍ର – କୃଷି ଓ ଲୋକଜୀବନ – ଚାଷବାସ, ଗାଁର ଜୀବନଶୈଳୀ ଓ ପ୍ରକୃତି ସହ ଜଡ଼ିତ ଅନେକ ପରମ୍ପରା ଲୋକସଂସ୍କୃତିରେ ପ୍ରତିଫଳିତ। ପର୍ବପର୍ବାଣୀ ସମ୍ବଲପୁରୀ ସଂସ୍କୃତି କେବଳ ଗୀତ, ନୃତ୍ୟ ଓ ପୋଷାକ ନୁହେଁ; ଏହା ପଶ୍ଚିମ ଓଡ଼ିଶାର ଲୋକଙ୍କ ଜୀବନଶୈଳୀ, ଭାବନା, ଗର୍ବ ଓ ପରିଚୟର ଏକ ଅବିଚ୍ଛିନ୍ନ ଅଂଶ।
କଳାହାଣ୍ଡି ଜିଲ୍ଲା ପ୍ରତିନିଧି ବିଷ୍ଣୁ ଚରଣ ସ୍ୱାଇଁ ଙ୍କ ରିପୋର୍ଟ
