ମାଲକାନଗିରି, ୨୬/୦୬ ( ଶରତ ଚନ୍ଦ୍ର ଖରା ) : ନୂତନ ଶିକ୍ଷା ନୀତି କୁ ନେଇ ବିଜେପି ଦଳର ଡବଲ ଇଞ୍ଜିନି ସରକାର ଙ୍କ ବିରୋଧ ସାମ୍ବାଦିକ ସମ୍ମିଳନୀ ରେ ରେ ଗର୍ଜିଛନ୍ତି କଂଗ୍ରସ ଦଳ। ବିଜେପି ନେତୃତ୍ବାଧୀନ କେନ୍ଦ୍ର ସରକାରଙ୍କ ନୂତନ ଶିକ୍ଷା ନୀତି ଏବଂ ସରକାରଙ୍କ ଆଭିମୁଖ୍ୟକୁ ନେଇ ମାଲକାନଗିରି ଜିଲ୍ଲା କଂଗ୍ରେସ ତରଫରୁ ଡବଲ ଇଂଜିନ ସରକାରଙ୍କୁ କଡା ସମାଲୋଚନା କରାଯାଇଛି I ଆଜି ଜିଲ୍ଲା କଂଗ୍ରେସ ଭଵନ ଠାରେ ଜିଲ୍ଲା କଂଗ୍ରେସ କମିଟି ପକ୍ଷରୁ ରୁ ଆୟୋଜିତ ସାମ୍ବାଦିକ ସମ୍ମିଳନୀରେ ଜିଲ୍ଲା ସଭାପତି ଜି. ଶ୍ରୀନିବାସ ରାଓ ସରକାରଙ୍କ ଶିକ୍ଷା ନୀତିକୁ ନେଇ ତୀବ୍ର ନିନ୍ଦା କରି କହିଛନ୍ତି ଏହି ନୀତି ଦେଶର ଆଗାମୀ ଭବିଷ୍ୟତ କୁହା ଯାଉଥିବା ଛାତ୍ରଛାତ୍ରୀଙ୍କ ଭବିଷ୍ୟତ ସହ ଖେଳିବା ସହ ସେମାନଙ୍କ ଜୀବନକୁ ଅନ୍ଧକାର ମଧ୍ୟକୁ ଠେଲି ଦେଇଛି I ଶିକ୍ଷା ମନ୍ତ୍ରୀ ବିବେକଶୂନ୍ୟ ହୋଇ କାର୍ଯ୍ୟ କରିବା ସହ ଅବାନ୍ତର ପ୍ରତିକ୍ରିୟା ରଖୁଛନ୍ତି I ନିଟ ପ୍ରଶ୍ନ ପତ୍ର ଲିକ ହେଲା ପରେ ବହୁ ଛାତ୍ରଛାତ୍ରୀ ଆତ୍ମହତ୍ୟା କରିଥିଲେ I ସେମାନଙ୍କୁ ସମବେଦନା ପରିବର୍ତ୍ତେ ଏଥିରେ ପ୍ରଭାବିତ ଲକ୍ଷ ଲକ୍ଷ ଛାତ୍ରଛାତ୍ରୀ ଏବଂ ସେମାନଙ୍କ ପରିବାର କେଉଁ ମାନସିକ ସ୍ଥିତିରେ ଅଛନ୍ତି ତାହା ବିଜେପି ସରକାର ବୁଝୁ ନାହିଁ ଏବଂ ସେମାନଙ୍କ ଭବିଷ୍ୟତକୁ ଧ୍ବଂସ କରିବାରେ ବିଜେପି ଲାଗିଛି ବୋଲି ଶ୍ରୀ ରାଓ ଅଭିଯୋଗ କରିଛନ୍ତି I ବିଜେପି ସରକାର ନିଟ ପେପର ଲିକ ଘଟଣାର ତଦନ୍ତ ରିପୋର୍ଟ ସାର୍ବଜନୀନ କରନ୍ତୁ I ବିଭିନ୍ନ ପରୀକ୍ଷାକୁ ବିଜେପି ସରକାର ବ୍ୟବସାୟରେ ପରିଣତ କରିଛି I ଏହି ଶିକ୍ଷା ଦୁର୍ନୀତି ଦେଶରେ ଯୋଜନାବଦ୍ଧ ଭାବେ ଚାଲିଛି ଏବଂ ଏଥିରେ ହଜାର ହଜାର କୋଟି ଟଙ୍କାର ଦୁର୍ନୀତି ହେଉଛି I ସବୁଠୁ ଆଶ୍ଚର୍ଯ୍ୟ କଥା, ଶିକ୍ଷା ମନ୍ତ୍ରୀ ନୈତିକ ଦାୟିତ୍ୱ ମଧ୍ୟ ନେଉ ନାହାନ୍ତି କିମ୍ବା ନୈତିକତା ଦୃଷ୍ଟିରୁ ଇସ୍ତଫା ମଧ୍ୟ ଦେଉନାହାନ୍ତି I ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତୁରନ୍ତ ଇସ୍ତଫା ପ୍ରଦାନ କରନ୍ତୁ ବୋଲି ଉପସ୍ଥିତ କଂଗ୍ରେସ କର୍ମକର୍ତା ମାନେ କହିଥିଲେ I ଏହି ସାମ୍ବାଦିକ ସମ୍ମିକନୀ ରେ କଂଗ୍ରେସର ବରିଷ୍ଠ ନେତା କୃଷ୍ଣ ଚନ୍ଦ୍ର ଅନୁଗୁ, ପ୍ରଭାକର ପାଳ, କେଶୁ ରାଓ, ପ୍ରାଣକୃଷ୍ଣ ମଣ୍ଡଳ, ମହିଳା କଂଗ୍ରେସ ସଭା ନେତ୍ରୀ ପୁଷ୍ପା ରାଣୀ ପଡିଆମୀ, ଛବି ଦାସ, ପର୍ଶୁରାମ ଭକ୍ତ, ମନୋଜ କୁମାର ନାୟକ, ସନ୍ତୋଷ ପଟନାୟକ, ସୁରେଶ ଖୋସଲା, ବିଦେଶୀ ଗୌଡ଼, ମୁକୁନ୍ଦ ପଡିଆମୀ, ଏଲ. ଏମ. ପଟନାୟକ, ବିଷ୍ଣୁ ପ୍ରସାଦ ବାକା, ଶ୍ୟାମ ସେଠୀ ଓ ଅନ୍ୟାନ୍ୟ କଂଗ୍ରେସ କର୍ମୀ ଓ କର୍ମକର୍ତ୍ତା ଉପସ୍ଥିତ ରହି ଆଲୋଚନା ରେ ଭାଗ ନେଇଥିଲେ I ଶିକ୍ଷା ନୀତି ଏବଂ ସରକାରଙ୍କ ଆଭିମୁଖ୍ୟରେ ପରିବର୍ତ୍ତନ ନ ହେଲେ କଂଗ୍ରେସ ରାଜରାସ୍ତାକୁ ଓହ୍ଲାଇବ ବୋଲି ଶ୍ରୀ ରାଓ ପ୍ରକାଶ କରିଛନ୍ତି I
ମାଲକାନଗିରି ଜିଲ୍ଲା ପ୍ରତିନିଧି ଶ୍ରୀ ଶରତ ଚନ୍ଦ୍ର ଖରା ଙ୍କ ରିପୋର୍ଟ ନବଦୂତ ନ୍ୟୁଜ।
