୧୮ ବର୍ଷର ଶିକ୍ଷାସେବାର ଗୌରବମୟ ଅଧ୍ୟାୟ: ଟାମ୍ପରରେ ଭୋଳାନାଥ ଜଗତଙ୍କୁ ଭବ୍ୟ ବିଦାୟ
ଝାରବନ୍ଧ, ୧୫/୦୪ : ବରଗଡ଼ ଜିଲ୍ଲା ଝାରବନ୍ଧ ବ୍ଲକ ଅନ୍ତର୍ଗତ ଲେରଗାଁ କ୍ଲଷ୍ଟରର ଟାମ୍ପର ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟରେ ଏକ ଅସାଧାରଣ ଓ ସ୍ମରଣୀୟ ଦୃଶ୍ୟ ଦେଖିବାକୁ ମିଳିଲା। ଦୀର୍ଘ ୧୮ ବର୍ଷର ନିରନ୍ତର ଶିକ୍ଷାସେବା ପରେ ସହକାରୀ ଶିକ୍ଷକ ଶ୍ରୀଯୁକ୍ତ ଭୋଳାନାଥ ଜଗତଙ୍କ ଅବସର ଅବସରରେ ବିଦ୍ୟାଳୟ ପକ୍ଷରୁ ଏକ ଭବ୍ୟ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲା। ୨୦୦୮ ରୁ ୨୦୨୬ ମାର୍ଚ୍ଚ ୩୧ ପର୍ଯ୍ୟନ୍ତ ତାଙ୍କର ସେବାକାଳ, ଏକ ଶିକ୍ଷକ ଭାବେ ନୁହେଁ, ବରଂ ଗ୍ରାମୀଣ ଶିକ୍ଷାର ଏକ ଦୀପସ୍ଥମ୍ଭ ଭାବେ ପରିଚିତ ହୋଇ ରହିଛି। ସମ୍ବର୍ଦ୍ଧନା ସଭାଟି ମାତ୍ର ଏକ ଔପଚାରିକ କାର୍ଯ୍ୟକ୍ରମ ନୁହେଁ, ବରଂ ଏକ ଭାବନାର ସମୁଦ୍ରରେ ପରିଣତ ହୋଇଥିଲା। ଶିକ୍ଷକ-ଶିକ୍ଷୟିତ୍ରୀ, ଛାତ୍ରଛାତ୍ରୀ ଓ ଗ୍ରାମବାସୀମାନେ ଫୁଲମାଳା, ପୁଷ୍ପଗୁଚ୍ଛ ଓ ବିଭିନ୍ନ ଉପହାର ଦେଇ ତାଙ୍କୁ ସମ୍ମାନିତ କରିଥିଲେ।ଏହି ଅବସରରେ ଛୋଟ ଟାମ୍ପର ଗାଁଟି ଏକ ଉତ୍ସବମୟ ପରିବେଶରେ ପରିଣତ ହୋଇଯାଇଥିଲା, ଯାହା ଗ୍ରାମୀଣ ସଂଗଠନ ଓ ଶିକ୍ଷାପ୍ରତି ଆସ୍ଥାର ଜୀବନ୍ତ ଚିତ୍ର ଆକାଶେ ଆଙ୍କି ଦେଇଥିଲା। ଏନ.ପି.ଏସ୍ ୟୁନିଅନ ପ୍ରେସିଡେଣ୍ଟ ଶ୍ରୀଯୁକ୍ତ ଆଶାରାମ ବରିହାଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ, ଏ.ବି.ଇ.ଓ-କମ୍-ବି.ଆର.ସି.ସି ଝାରବନ୍ଧ ଶ୍ରୀଯୁକ୍ତ ଦୟାନିଧି କୈବର୍ତ୍ତ ମୁଖ୍ୟ ଅତିଥି ଭାବେ ଯୋଗଦେଇ ଶ୍ରୀ ଜଗତଙ୍କର ଶିକ୍ଷାସେବାର ବର୍ଣ୍ଣନା କରିଥିଲେ। ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଶ୍ରୀଯୁକ୍ତ ବିସିକେଶନ ଶତପଥି ମୁଖ୍ୟ ବକ୍ତା ଭାବେ ଯୋଗଦେଇ ସମ୍ୱର୍ଦ୍ଧନା ଜ୍ଞାପନ କରିବା ସହ ତାଙ୍କ କାର୍ଯ୍ୟ କଳାପ ଓ ବିତାଇଥିବା ସମୟର ଅନୁଭୂତି ବର୍ଣ୍ଣନା କରିଥିଲେ । କାର୍ଯ୍ୟକ୍ରମର ମଞ୍ଚ ପରିଚାଳନା ଶ୍ରୀଯୁକ୍ତ ଗୋପାଳ ଚନ୍ଦ୍ର ହରିଜନଙ୍କ ଦ୍ୱାରା ସୁଚାରୁ ଭାବେ କରାଯାଇଥିଲା, ସେତେବେଳେ ବିବରଣୀ ପ୍ରସ୍ତୁତିରେ ଶ୍ରୀଯୁକ୍ତ ବିଷ୍ଣୁ ଚରଣ ସାହୁ ଗୁରୁତ୍ୱପୂର୍ଣ୍ଣ ଭୂମିକା ନିଭାଇଥିଲେ। ସମ୍ମାନିତ ଅତିଥି ଭାବେ ଗାଁର ଗୌନ୍ତିଆଣୀ ଶ୍ରୀମତୀ ଆଲାଦିନି ଭୋଇ, ସହିତ ଶ୍ରୀଯୁକ୍ତ ଅକ୍ରୁର ସାହୁ ଓ ପୂର୍ବତନ ଅବସରପ୍ରାପ୍ତ ଶିକ୍ଷକ ବିଶ୍ୱାମିତ୍ର ବାଗ, ସଦାନନ୍ଦ ବେହେରା ଓ ଜୟସିଂ ଦାଉ—ଉପସ୍ଥିତ ରହି କାର୍ଯ୍ୟକ୍ରମକୁ ଅଧିକ ଗରିମାମୟ କରିଥିଲେ। ବିଶେଷ ଆକର୍ଷଣ ଥିଲା ଶ୍ରୀ ଜଗତଙ୍କ ପରିବାରର ସକ୍ରିୟ ଉପସ୍ଥିତି। ତାଙ୍କ ପୁଅ ହୁତାଶନ ଜଗତ, ଝିଅ ହୁମଳତା, ଝିଅଜ୍ୱାଇଁ ମନବୋଧ ଓ ସାନଝିଅ ଇନ୍ଦୁରେଖା ଜଗତ ଏହି ଭାବବିହ୍ୱଳ ମୁହୂର୍ତ୍ତର ସାକ୍ଷୀ ହୋଇଥିଲେ। ଗ୍ରାମବାସୀ ଓ ଛାତ୍ରଛାତ୍ରୀମାନଙ୍କର ଭିଡ଼ ଦେଖି ଲାଗୁଥିଲା ଯେ, ଏହା ମାତ୍ର ଏକ ବିଦାୟ ନୁହେଁ, ବରଂ ଏକ ଯୁଗର ସମାପ୍ତି। ସଭା ଶେଷରେ ସମସ୍ତଙ୍କ ପାଇଁ ଭୋଜନ ବ୍ୟବସ୍ଥା କରାଯାଇଥିଲା। ପରେ ଗୀତ-ବାଦ୍ୟ ଓ ସଂକୀର୍ତନର ମଧୁର ସୁରରେ ଏକ ଭବ୍ୟ ଶୋଭାଯାତ୍ରା ମାଧ୍ୟମରେ ତାଙ୍କୁ ତାଙ୍କ ଜନ୍ମଭୂମି ତୁର୍ଲାକୁ ବାହୁଡ଼ି ନେଇଥିଲେ । ଟାମ୍ପରରେ ଭବ୍ୟ ବିଦାୟ ପରେ, ଶିକ୍ଷାସେବାର ଏହି ଅମୂଲ୍ୟ ଯାତ୍ରାର ଦ୍ୱିତୀୟ ଅଧ୍ୟାୟ ତୁର୍ଲା ଗାଁରେ ଆଉ ଅଧିକ ଭାବବିହ୍ୱଳ ଓ ଉତ୍ସବମୟ ରୂପ ଧାରଣ କରିଥିଲା। ଯେପରି ଟାମ୍ପରରେ ବିଦାୟରେ ଭାବନାର ଝରଣା ବହିଥିଲା, ସେପରି ତୁର୍ଲାରେ ସ୍ୱାଗତରେ ଆନନ୍ଦର ଉତ୍ସ ଫୁଟିଉଠିଥିଲା। ଶ୍ରୀଯୁକ୍ତ ଭୋଳାନାଥ ଜଗତ ତାଙ୍କ ଜନ୍ମଭୂମି ତୁର୍ଲାକୁ ପହଞ୍ଚିବା ସହିତ, ଗାଁର ପରିବେଶ ଏକ ପର୍ବପର୍ବାଣୀର ରୂପ ନେଇଥିଲା। ତାଙ୍କ ଧର୍ମପତ୍ନୀ ଶ୍ରୀମତୀ ସବାବାଇ ଜଗତଙ୍କ ସହ ଅନେକ ଗ୍ରାମବାସୀ ତାଙ୍କୁ ଅତ୍ୟନ୍ତ ଉତ୍ସାହ ଓ ସମ୍ମାନ ସହିତ ସ୍ୱାଗତ କରିଥିଲେ। ଏହି ସ୍ୱାଗତ କେବଳ ଏକ ଔପଚାରିକ ଆଚରଣ ନୁହେଁ, ବରଂ ଗାଁର ପ୍ରତ୍ୟେକ ହୃଦୟରେ ଥିବା ଗର୍ବ ଓ ସ୍ନେହର ପ୍ରତିଫଳନ ଥିଲା।ତୁର୍ଲାରେ ଆୟୋଜିତ ସମ୍ବର୍ଦ୍ଧନା ସଭା ଟାମ୍ପରର ଉତ୍ସବକୁ ଆଉ ଏକ ପଦକ୍ଷେପ ଆଗକୁ ନେଇଥିଲା। ଝାରବନ୍ଧ ବ୍ଲକ ସହିତ ବ୍ଲକ ବାହାରର ଅନେକ ଶିକ୍ଷକ ଏଠାରେ ଉପସ୍ଥିତ ହୋଇ ଶ୍ରୀ ଜଗତଙ୍କୁ ସମ୍ମାନ ସହିତ ସମ୍ବର୍ଦ୍ଧନା ଜଣାଇଥିଲେ —ଏହା ତାଙ୍କର ଶିକ୍ଷାକ୍ଷେତ୍ରରେ ଥିବା ପ୍ରଭାବ ଓ ଲୋକପ୍ରିୟତାର ଏକ ଜୀବନ୍ତ ପ୍ରମାଣ। ସଭାରେ ଅତିଥି ଭାବେ ଅବସରପ୍ରାପ୍ତ ଶିକ୍ଷକ ବିଶ୍ୱାମିତ୍ର ବାଗ, ଅଡ଼ାପାଣି ପ୍ରଧାନ ଶିକ୍ଷକ ସଦାନନ୍ଦ ବେହେରା ଓ ଡୁଙ୍ଗୁରିଚଢା ପ୍ରଧାନ ଶିକ୍ଷକ କୈଳାଶ ସାହୁ ଯୋଗଦେଇ କାର୍ଯ୍ୟକ୍ରମକୁ ଗରିମାମୟ କରିଥିଲେ। କୈଳାଶ ସାହୁ ତାଙ୍କ ଅଭିଭାଷଣରେ ଶ୍ରୀ ଜଗତଙ୍କ ଜୀବନୀକୁ “ସଂଘର୍ଷ ଓ ସମର୍ପଣର ଏକ ପ୍ରେରଣାଦାୟକ ଗାଥା” ବୋଲି ବର୍ଣ୍ଣନା କରିଥିଲେ। ତୁର୍ଲା ପ୍ରାଥମିକ ବିଦ୍ୟାଳୟର ଶିକ୍ଷୟିତ୍ରୀ ପ୍ରେମସିଲା ପ୍ରଧାନ ଓ ଜୟସିଂହ ଦାଉଙ୍କ ବିଦାୟୀ ଅଭିଭାଷଣ ଉପସ୍ଥିତ ଦର୍ଶକମାନଙ୍କ ମନକୁ ଭାବବିହ୍ୱଳ କରିଦେଇଥିଲା। ତାଙ୍କର କଥାମାଳାରେ ଥିଲା ଏକ ପକ୍ଷରେ ଶ୍ରଦ୍ଧା, ଅନ୍ୟ ପକ୍ଷରେ ବିଦାୟର ବେଦନା—ଯାହା ସଭାକୁ ଏକ ଅଦ୍ୱିତୀୟ ଭାବନାମୟ ମାହୋଲରେ ବାନ୍ଧି ରଖିଥିଲା। କେବଳ ଭାଷଣରେ ନୁହେଁ, କାର୍ଯ୍ୟକ୍ରମର ଆକର୍ଷଣ ଥିଲା ସାଂସ୍କୃତିକ ରଙ୍ଗରେ ଭରିଥିବା ନୃତ୍ୟ ପ୍ରତିଯୋଗିତା, ଯାହା ଗାଁର ଯୁବ ପ୍ରତିଭାମାନଙ୍କୁ ମଞ୍ଚ ଦେଇଥିଲା। ସମସ୍ତଙ୍କ ପାଇଁ ଭୋଜନ ବ୍ୟବସ୍ଥା ଏହି ଉତ୍ସବକୁ ଆଉ ମଧୁର କରିଦେଇଥିଲା। ମଞ୍ଚ ସଂଚାଳନର ଦାୟିତ୍ୱ ଭୋଜରାଜ ମାଝୀ ସୁଚାରୁ ଭାବେ ନିଭାଇଥିବାବେଳେ, ଆତ୍ମାରାମ ମାଝୀ, ଲାଲା ମାଝୀ, ଚୁଡ଼ା, ଗୋପି ଓ ରୋହିତ ସମସ୍ତ କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିଲେ। ଶେଷରେ ହୁତାଶନ ଜଗତ ଧନ୍ୟବାଦ ଅର୍ପଣ କରିଥିଲେ!
ଝାରବନ୍ଧ, ୧୫/୦୪ : ବରଗଡ଼ ଜିଲ୍ଲା ଝାରବନ୍ଧ ବ୍ଲକ ଅନ୍ତର୍ଗତ ଲେରଗାଁ କ୍ଲଷ୍ଟରର ଟାମ୍ପର ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟରେ ଏକ ଅସାଧାରଣ ଓ ସ୍ମରଣୀୟ ଦୃଶ୍ୟ ଦେଖିବାକୁ ମିଳିଲା। ଦୀର୍ଘ ୧୮ ବର୍ଷର ନିରନ୍ତର ଶିକ୍ଷାସେବା ପରେ ସହକାରୀ ଶିକ୍ଷକ ଶ୍ରୀଯୁକ୍ତ ଭୋଳାନାଥ ଜଗତଙ୍କ ଅବସର ଅବସରରେ ବିଦ୍ୟାଳୟ ପକ୍ଷରୁ ଏକ ଭବ୍ୟ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲା। ୨୦୦୮ ରୁ ୨୦୨୬ ମାର୍ଚ୍ଚ ୩୧ ପର୍ଯ୍ୟନ୍ତ ତାଙ୍କର ସେବାକାଳ, ଏକ ଶିକ୍ଷକ ଭାବେ ନୁହେଁ, ବରଂ ଗ୍ରାମୀଣ ଶିକ୍ଷାର ଏକ ଦୀପସ୍ଥମ୍ଭ ଭାବେ ପରିଚିତ ହୋଇ ରହିଛି। ସମ୍ବର୍ଦ୍ଧନା ସଭାଟି ମାତ୍ର ଏକ ଔପଚାରିକ କାର୍ଯ୍ୟକ୍ରମ ନୁହେଁ, ବରଂ ଏକ ଭାବନାର ସମୁଦ୍ରରେ ପରିଣତ ହୋଇଥିଲା। ଶିକ୍ଷକ-ଶିକ୍ଷୟିତ୍ରୀ, ଛାତ୍ରଛାତ୍ରୀ ଓ ଗ୍ରାମବାସୀମାନେ ଫୁଲମାଳା, ପୁଷ୍ପଗୁଚ୍ଛ ଓ ବିଭିନ୍ନ ଉପହାର ଦେଇ ତାଙ୍କୁ ସମ୍ମାନିତ କରିଥିଲେ।
ଏହି ଅବସରରେ ଛୋଟ ଟାମ୍ପର ଗାଁଟି ଏକ ଉତ୍ସବମୟ ପରିବେଶରେ ପରିଣତ ହୋଇଯାଇଥିଲା, ଯାହା ଗ୍ରାମୀଣ ସଂଗଠନ ଓ ଶିକ୍ଷାପ୍ରତି ଆସ୍ଥାର ଜୀବନ୍ତ ଚିତ୍ର ଆକାଶେ ଆଙ୍କି ଦେଇଥିଲା। ଏନ.ପି.ଏସ୍ ୟୁନିଅନ ପ୍ରେସିଡେଣ୍ଟ ଶ୍ରୀଯୁକ୍ତ ଆଶାରାମ ବରିହାଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ, ଏ.ବି.ଇ.ଓ-କମ୍-ବି.ଆର.ସି.ସି ଝାରବନ୍ଧ ଶ୍ରୀଯୁକ୍ତ ଦୟାନିଧି କୈବର୍ତ୍ତ ମୁଖ୍ୟ ଅତିଥି ଭାବେ ଯୋଗଦେଇ ଶ୍ରୀ ଜଗତଙ୍କର ଶିକ୍ଷାସେବାର ବର୍ଣ୍ଣନା କରିଥିଲେ। ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଶ୍ରୀଯୁକ୍ତ ବିସିକେଶନ ଶତପଥି ମୁଖ୍ୟ ବକ୍ତା ଭାବେ ଯୋଗଦେଇ ସମ୍ୱର୍ଦ୍ଧନା ଜ୍ଞାପନ କରିବା ସହ ତାଙ୍କ କାର୍ଯ୍ୟ କଳାପ ଓ ବିତାଇଥିବା ସମୟର ଅନୁଭୂତି ବର୍ଣ୍ଣନା କରିଥିଲେ । କାର୍ଯ୍ୟକ୍ରମର ମଞ୍ଚ ପରିଚାଳନା ଶ୍ରୀଯୁକ୍ତ ଗୋପାଳ ଚନ୍ଦ୍ର ହରିଜନଙ୍କ ଦ୍ୱାରା ସୁଚାରୁ ଭାବେ କରାଯାଇଥିଲା, ସେତେବେଳେ ବିବରଣୀ ପ୍ରସ୍ତୁତିରେ ଶ୍ରୀଯୁକ୍ତ ବିଷ୍ଣୁ ଚରଣ ସାହୁ ଗୁରୁତ୍ୱପୂର୍ଣ୍ଣ ଭୂମିକା ନିଭାଇଥିଲେ। ସମ୍ମାନିତ ଅତିଥି ଭାବେ ଗାଁର ଗୌନ୍ତିଆଣୀ ଶ୍ରୀମତୀ ଆଲାଦିନି ଭୋଇ, ସହିତ ଶ୍ରୀଯୁକ୍ତ ଅକ୍ରୁର ସାହୁ ଓ ପୂର୍ବତନ ଅବସରପ୍ରାପ୍ତ ଶିକ୍ଷକ ବିଶ୍ୱାମିତ୍ର ବାଗ, ସଦାନନ୍ଦ ବେହେରା ଓ ଜୟସିଂ ଦାଉ—ଉପସ୍ଥିତ ରହି କାର୍ଯ୍ୟକ୍ରମକୁ ଅଧିକ ଗରିମାମୟ କରିଥିଲେ। ବିଶେଷ ଆକର୍ଷଣ ଥିଲା ଶ୍ରୀ ଜଗତଙ୍କ ପରିବାରର ସକ୍ରିୟ ଉପସ୍ଥିତି। ତାଙ୍କ ପୁଅ ହୁତାଶନ ଜଗତ, ଝିଅ ହୁମଳତା, ଝିଅଜ୍ୱାଇଁ ମନବୋଧ ଓ ସାନଝିଅ ଇନ୍ଦୁରେଖା ଜଗତ ଏହି ଭାବବିହ୍ୱଳ ମୁହୂର୍ତ୍ତର ସାକ୍ଷୀ ହୋଇଥିଲେ। ଗ୍ରାମବାସୀ ଓ ଛାତ୍ରଛାତ୍ରୀମାନଙ୍କର ଭିଡ଼ ଦେଖି ଲାଗୁଥିଲା ଯେ, ଏହା ମାତ୍ର ଏକ ବିଦାୟ ନୁହେଁ, ବରଂ ଏକ ଯୁଗର ସମାପ୍ତି। ସଭା ଶେଷରେ ସମସ୍ତଙ୍କ ପାଇଁ ଭୋଜନ ବ୍ୟବସ୍ଥା କରାଯାଇଥିଲା। ପରେ ଗୀତ-ବାଦ୍ୟ ଓ ସଂକୀର୍ତନର ମଧୁର ସୁରରେ ଏକ ଭବ୍ୟ ଶୋଭାଯାତ୍ରା ମାଧ୍ୟମରେ ତାଙ୍କୁ ତାଙ୍କ ଜନ୍ମଭୂମି ତୁର୍ଲାକୁ ବାହୁଡ଼ି ନେଇଥିଲେ । ଟାମ୍ପରରେ ଭବ୍ୟ ବିଦାୟ ପରେ, ଶିକ୍ଷାସେବାର ଏହି ଅମୂଲ୍ୟ ଯାତ୍ରାର ଦ୍ୱିତୀୟ ଅଧ୍ୟାୟ ତୁର୍ଲା ଗାଁରେ ଆଉ ଅଧିକ ଭାବବିହ୍ୱଳ ଓ ଉତ୍ସବମୟ ରୂପ ଧାରଣ କରିଥିଲା। ଯେପରି ଟାମ୍ପରରେ ବିଦାୟରେ ଭାବନାର ଝରଣା ବହିଥିଲା, ସେପରି ତୁର୍ଲାରେ ସ୍ୱାଗତରେ ଆନନ୍ଦର ଉତ୍ସ ଫୁଟିଉଠିଥିଲା। ଶ୍ରୀଯୁକ୍ତ ଭୋଳାନାଥ ଜଗତ ତାଙ୍କ ଜନ୍ମଭୂମି ତୁର୍ଲାକୁ ପହଞ୍ଚିବା ସହିତ, ଗାଁର ପରିବେଶ ଏକ ପର୍ବପର୍ବାଣୀର ରୂପ ନେଇଥିଲା। ତାଙ୍କ ଧର୍ମପତ୍ନୀ ଶ୍ରୀମତୀ ସବାବାଇ ଜଗତଙ୍କ ସହ ଅନେକ ଗ୍ରାମବାସୀ ତାଙ୍କୁ ଅତ୍ୟନ୍ତ ଉତ୍ସାହ ଓ ସମ୍ମାନ ସହିତ ସ୍ୱାଗତ କରିଥିଲେ। ଏହି ସ୍ୱାଗତ କେବଳ ଏକ ଔପଚାରିକ ଆଚରଣ ନୁହେଁ, ବରଂ ଗାଁର ପ୍ରତ୍ୟେକ ହୃଦୟରେ ଥିବା ଗର୍ବ ଓ ସ୍ନେହର ପ୍ରତିଫଳନ ଥିଲା।
ତୁର୍ଲାରେ ଆୟୋଜିତ ସମ୍ବର୍ଦ୍ଧନା ସଭା ଟାମ୍ପରର ଉତ୍ସବକୁ ଆଉ ଏକ ପଦକ୍ଷେପ ଆଗକୁ ନେଇଥିଲା। ଝାରବନ୍ଧ ବ୍ଲକ ସହିତ ବ୍ଲକ ବାହାରର ଅନେକ ଶିକ୍ଷକ ଏଠାରେ ଉପସ୍ଥିତ ହୋଇ ଶ୍ରୀ ଜଗତଙ୍କୁ ସମ୍ମାନ ସହିତ ସମ୍ବର୍ଦ୍ଧନା ଜଣାଇଥିଲେ —ଏହା ତାଙ୍କର ଶିକ୍ଷାକ୍ଷେତ୍ରରେ ଥିବା ପ୍ରଭାବ ଓ ଲୋକପ୍ରିୟତାର ଏକ ଜୀବନ୍ତ ପ୍ରମାଣ। ସଭାରେ ଅତିଥି ଭାବେ ଅବସରପ୍ରାପ୍ତ ଶିକ୍ଷକ ବିଶ୍ୱାମିତ୍ର ବାଗ, ଅଡ଼ାପାଣି ପ୍ରଧାନ ଶିକ୍ଷକ ସଦାନନ୍ଦ ବେହେରା ଓ ଡୁଙ୍ଗୁରିଚଢା ପ୍ରଧାନ ଶିକ୍ଷକ କୈଳାଶ ସାହୁ ଯୋଗଦେଇ କାର୍ଯ୍ୟକ୍ରମକୁ ଗରିମାମୟ କରିଥିଲେ। କୈଳାଶ ସାହୁ ତାଙ୍କ ଅଭିଭାଷଣରେ ଶ୍ରୀ ଜଗତଙ୍କ ଜୀବନୀକୁ “ସଂଘର୍ଷ ଓ ସମର୍ପଣର ଏକ ପ୍ରେରଣାଦାୟକ ଗାଥା” ବୋଲି ବର୍ଣ୍ଣନା କରିଥିଲେ। ତୁର୍ଲା ପ୍ରାଥମିକ ବିଦ୍ୟାଳୟର ଶିକ୍ଷୟିତ୍ରୀ ପ୍ରେମସିଲା ପ୍ରଧାନ ଓ ଜୟସିଂହ ଦାଉଙ୍କ ବିଦାୟୀ ଅଭିଭାଷଣ ଉପସ୍ଥିତ ଦର୍ଶକମାନଙ୍କ ମନକୁ ଭାବବିହ୍ୱଳ କରିଦେଇଥିଲା। ତାଙ୍କର କଥାମାଳାରେ ଥିଲା ଏକ ପକ୍ଷରେ ଶ୍ରଦ୍ଧା, ଅନ୍ୟ ପକ୍ଷରେ ବିଦାୟର ବେଦନା—ଯାହା ସଭାକୁ ଏକ ଅଦ୍ୱିତୀୟ ଭାବନାମୟ ମାହୋଲରେ ବାନ୍ଧି ରଖିଥିଲା। କେବଳ ଭାଷଣରେ ନୁହେଁ, କାର୍ଯ୍ୟକ୍ରମର ଆକର୍ଷଣ ଥିଲା ସାଂସ୍କୃତିକ ରଙ୍ଗରେ ଭରିଥିବା ନୃତ୍ୟ ପ୍ରତିଯୋଗିତା, ଯାହା ଗାଁର ଯୁବ ପ୍ରତିଭାମାନଙ୍କୁ ମଞ୍ଚ ଦେଇଥିଲା। ସମସ୍ତଙ୍କ ପାଇଁ ଭୋଜନ ବ୍ୟବସ୍ଥା ଏହି ଉତ୍ସବକୁ ଆଉ ମଧୁର କରିଦେଇଥିଲା। ମଞ୍ଚ ସଂଚାଳନର ଦାୟିତ୍ୱ ଭୋଜରାଜ ମାଝୀ ସୁଚାରୁ ଭାବେ ନିଭାଇଥିବାବେଳେ, ଆତ୍ମାରାମ ମାଝୀ, ଲାଲା ମାଝୀ, ଚୁଡ଼ା, ଗୋପି ଓ ରୋହିତ ସମସ୍ତ କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିଲେ। ଶେଷରେ ହୁତାଶନ ଜଗତ ଧନ୍ୟବାଦ ଅର୍ପଣ କରିଥିଲେ! 
