ଆଦିବାସୀ ସଂସ୍କୃତି ଭବନ ଉଦଘାଟିତ

କର୍ଲାମୁଣ୍ଡା, ୩୦/୦୩ (ସୁଶାନ୍ତ ରଣା) : କଳାହାଣ୍ଡି ଜିଲ୍ଲା ମ,ରାମପୁର ଚାରି ଛକ ନିକଟରେ ପାଟ ଦେଓ ଜେନା ବୁଢ଼ା ପୂଜା କମିଟି ତରଫରୁ ନବ ନିର୍ମିତ ଆଦିବାସୀ ସଂସ୍କୃତି ଭବନ ର ଉଦ୍ଘାଟନୀ ଉତ୍ସବ ଅନୁଷ୍ଠିତ ହୋଇ ଯାଇଛି । ଜିଲ୍ଲା ଆଦିବାସୀ ସଂଘ ର ସଭାପତି ପ୍ରକାଶ ଚନ୍ଦ୍ର ମାଝୀ ଙ୍କ ନେତୃତ୍ୱ ରେ ଅନୁଷ୍ଠିତ ଏହି ଉତ୍ସବରେ ଜିଲ୍ଲା ତଥା ଜିଲ୍ଲା ବାହାରୁ ଶହ ଶହ ଆଦିବାସୀଙ୍କ ସମାଗମ ହୋଇଥିଲା । ଆଦିବାସୀଙ୍କ ପାରମ୍ପରିକ ନୃତ୍ୟ, ଗୀତ ର ତାଳେ ତାଳେ,ଏକ ବିରାଟ ଶୋଭାଯାତ୍ରା ସହର ପରିକ୍ରମା କରିବା ପରେ ନବ ନିର୍ମିତ ଭବନ କୁ ମ,ରାମପୁର ରାଜା ବୁଧେନ୍ଦ୍ର ପ୍ରତାପ ସିଂହ ଦେଓ, ବ୍ଲକ୍ ବିଜେଡି ସଭାପତି ସତ୍ୟ ନାରାୟଣ ସାହୁ ଓ ଅନ୍ୟାନ୍ୟ ଅତିଥି ଙ୍କ ଦ୍ଵାରା ପୂଜାର୍ଚ୍ଚନା ସହ ଉଦ୍ଘାଟିତ ହୋଇଥିଲା । ପରେ ଆୟୋଜିତ ସଭାରେ ଅବସରପ୍ରାପ୍ତ ପୁଲିସ ଅଧିକାରୀ ବୈଦ୍ୟ ନାରାୟଣ ଭୋଇ, ରାଜ୍ୟ କନ୍ଧ ସମାଜ କେନ୍ଦ୍ରୀୟ କମିଟି ସଭାପତି ଚିନ୍ତାମଣି ଭୋଇ, ଆଦିବାସୀ ସଂଘ ମ,ରାମପୁର ସଭାପତି ରାଜୁ ମାଝୀ, ସମ୍ପାଦକ ବିପ୍ର ମାଝୀ, ଫକୀର ମୁଣ୍ଡା, ପୂଜା କମିଟି ସମ୍ପାଦକ ରୋହିତ ଭୋଇ, ଟଙ୍କଧର ପନ୍ଦର, ଧୋବା ପନ୍ଦର, ରାଜେନ୍ଦ୍ର ଭୋଇ, ଯୋଗେଶ୍ୱର ମାଝୀ, ହୃଦାନନ୍ଦ ମାଝୀ, ହରିଶଙ୍କର ମାଝୀ, ସମ୍ପଦ ବରିହା, ସିଲି ମାଝୀ, ଜୟ ପାତ୍ର ପ୍ରମୁଖ ଉପସ୍ଥିତ ରହି ଆଦିବାସୀଙ୍କ ଏକତା, ଦକ୍ଷତା ସମ୍ପର୍କ ରେ ନିଜ ନିଜ ବକ୍ତବ୍ୟ ରେ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମ ରେ ଅନ୍ୟମାନଙ୍କ ମଧ୍ୟରେ ଦିଲ୍ଲୀପ ମାଝୀ, ଝାସକେତନ ମାଝୀ, ନନ୍ଦୀ କିଶୋର ଭୋଇ, ଦାଶରଥି ମାଝୀ ଉପସ୍ଥିତ ରହି ସମସ୍ତ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ ।