ମୋବାଇଲ ବିକିରଣ (Mobile Readition) ସଚେତନତା ଉପରେ ବାଲୁକା କଳା

କର୍ଲାମୁଣ୍ଡା, ୦୨/୧୧ (ସୁଶାନ୍ତ ରଣା) : ଆଜିକାର ଦୈନନ୍ଦିନ ଜୀବନରେ ମୋବାଇଲ ଫୋନର ବ୍ୟବହାର ଧନୀ ଗରିବ ସମସ୍ତଙ୍କ ଅପରିହାର୍ଯ୍ୟ ହୋଇ ପଡିଛି, କିନ୍ତୁ ଏହାର ଅତ୍ୟନ୍ତ ବ୍ୟବହାର ଯୋଗୁଁ ବର୍ତ୍ତମାନ ବିଶେଷ କରି ଛୋଟ ଶିଶୁ ଓ ଯୁବକଙ୍କ ଉପରେ ଅତ୍ୟନ୍ତ ଖରାପ ପ୍ରଭାବ ପଡୁଛି I ଇଣ୍ଟର୍ନେଟରୁ ଭଲ ଜିନିଷ ଶିଖିବା ବଦଳରେ ଅଶ୍ଳୀଳତା ଓ ନଗ୍ନତାର ପ୍ରଚାର ପ୍ରସାର ସହ ମୋବାଇଲ ବିକିରଣ (Mobile Readition) ଛୋଟ ଶିଶୁଙ୍କ ମାନସିକ ବିକାଶରେ ବାଧକ ସାଜିଅଛି I ସ୍ମରଣ ଶକ୍ତି ଓ ଦୃଷ୍ଟି ଶକ୍ତିର ଅବକ୍ଷୟ ସହିତ ଅନିଦ୍ରା ମୁଣ୍ଡ ବିନ୍ଧା ଭଳି ଅନେକ ସ୍ୱାସ୍ଥ୍ୟଗତ ସମସ୍ୟା ବୃଦ୍ଧି ପାଇବାରେ ଲାଗିଛି I ଛୋଟ ଶିଶୁଙ୍କୁ ମୋବାଇଲ ଠାରୁ ଯଥା ସମ୍ଭବ ଦୁରେଇ ରଖିବା ପାଇଁ ବାଲୁକା ଶିଳ୍ପୀ ଓମ ପ୍ରକାଶ ସାହୁ ଏକ ସଚେତନତା ମୂଳକ ଏକ ବାଲୁକା କଳା ନିର୍ମାଣ କରିଛନ୍ତି I
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ନବଦୂତ