“ ଗାଁ ଗାଁକୁ ବିକାଶ— ଚକଲାପଦର ବିକାଶ ମେଳାରେ ବିଧାୟକ ନରସିଂହ ଭତ୍ରାଙ୍କ ଦୃଢ଼ ସନ୍ଦେଶ”

ଝରିଗାଁ, ୧୬ / ୬ ( ନକୁଳ ଭତ୍ରା ) : ନବରଙ୍ଗପୁର ଜିଲ୍ଲାର ଝରିଗାଁ ବ୍ଳକ ଅନ୍ତର୍ଗତ ଚକଲାପଦର ଗ୍ରାମ ଆଜି ମୁଗ୍ଧ ହୋଇଯାଇଛି। ଅବସର ଥିଲା ବ୍ଲକ ସ୍ତରୀୟ ବିକାଶ ମେଳାର। ଏହି ଅବସରରେ ମୁଖ୍ୟ ଅତିଥି ଭାବରେ ଉପସ୍ଥିତ ଥିଲେ ମାନ୍ୟବର ବିଧାୟକ ଶ୍ରୀ ନରସିଂହ ଭତ୍ରା। ତାଙ୍କ ଉପସ୍ଥିତି ମାତ୍ର ନୁହେଁ, ତାଙ୍କ ସନ୍ଦେଶ ମଧ୍ୟ ଗାଁ ଗାଁର ଲୋକଙ୍କୁ ଆଶାର ଆଲୋକ ଦେଇଛି। ବିଧାୟକ ଭତ୍ରା ସ୍ପଷ୍ଟ କହିଥିଲେ — "ବିକାଶ କେବଳ ଶବ୍ଦରେ ନୁହେଁ, କାର୍ଯ୍ୟରେ ପ୍ରତିବିମ୍ବିତ ହେବା ଉଚିତ। ଗାଁ ଗାଁକୁ ବିକାଶ ଉଠିପହଁଚିବା ପାଇଁ କାର୍ଯ୍ୟକର୍ତ୍ତାମାନେ ଲୋକଙ୍କ ମଧ୍ୟରେ ଯାଇ ସେମାନଙ୍କ ସହିତ ଏକାତ୍ମତା ଗଢ଼ିବା ଆବଶ୍ୟକ।" ମେଳାରେ ବିଜେପିର ଅନେକ କାର୍ଯ୍ୟକର୍ତ୍ତା ଓ ଅନୁଗାମୀ ମାନେ ଯୋଗ ଦେଇଥିଲେ। ବିଧାୟକ ଭତ୍ରା ଏହି ଅବସରରେ ତାଙ୍କ ଦଳୀୟ କାର୍ଯ୍ୟକର୍ତ୍ତାଙ୍କୁ ଅନୁଶାସନାତ୍ମକ ସନ୍ଦେଶ ଦେଇ କହିଥିଲେ — “ଗାଁ ଗାଁ ବୁଲନ୍ତୁ, ଲୋକଙ୍କ ଦୁଃଖସୁଖରେ ସାମିଲ ହୁଅନ୍ତୁ। ବିକାଶ ପାଇଁ ଜନସଂଯୋଗ ଏହି ସମୟର ସବୁଠାରୁ ବଡ଼ ଅସ୍ତ୍ର।” ଏହି ବିକାଶ ମେଳା କେବଳ ଏକ ଅନୁଷ୍ଠାନ ନୁହେଁ, ବରଂ ଏକ ଜନସମ୍ପ୍ରେଷଣ ମଞ୍ଚ ଭାବେ ଦୃଢ଼ ଭୂମିକା ନିଭାଇଛି। ଗ୍ରାମବାସୀଙ୍କ ମଧ୍ୟରେ ଆଶା, ଆତ୍ମବିଶ୍ୱାସ ଓ ସଂଯୋଗ ବଢ଼ିଛି। ଅନେକ ଗ୍ରାମ ଅବଶେଷରେ ଏକ ଭଲ ଦିଗକୁ ଯାଉଛି — ଏବଂ ଏହି ଯାତ୍ରାର ନେତୃତ୍ୱ କରୁଛନ୍ତି ଏଭଳି ନେତାମାନେ ଯେଉଁମାନେ କଥା ନୁହେଁ, କାମ ଦ୍ଵାରା ଲୋକଙ୍କ ହୃଦୟ ଜିତିବାକୁ ଚାହାନ୍ତି।