ଅପେକ୍ଷା ହେଲା ଶେଷ, ଆସନ୍ତା ୬ ତାରିଖରେ ମୁଖ୍ୟମନ୍ତ୍ରୀ ଙ୍କ ହାତରୁ ନିଯୁକ୍ତି ପତ୍ର ପାଇବେ ୮୨୬ ପିଜିଟି ଶିକ୍ଷକ

ଭୁବନେଶ୍ୱର, ୪ / ୬ : ରାଜ୍ୟର ଶିକ୍ଷା ବ୍ୟବସ୍ଥାକୁ ଶକ୍ତିଶାଳୀ ଭାବେ ପୁନଃଗଠିତ କରିବା ପଥରେ ଆଉ ଏକ ପଦକ୍ଷେପ। ଆସନ୍ତା ୬ ତାରିଖରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ରାଜ୍ୟର ୮୨୬ ଜଣ ପୋଷ୍ଟ୍ ଗ୍ରାଜୁଏଟ୍ ଟିଚର (ପିଜିଟି) ଙ୍କୁ ନିଯୁକ୍ତି ପତ୍ର ପ୍ରଦାନ କରିବେ।ବିଦ୍ୟାଳୟ ଓ ଗଣଶିକ୍ଷା ବିଭାଗର ମନ୍ତ୍ରୀ ନିତ୍ୟାନନ୍ଦ ଗଣ୍ଡ ଏହି ତଥ୍ୟ ସାମ୍ବାଦିକ ସମ୍ମିଳନୀରେ ଜଣାଇ ଥିଲେ। ସେ କହିଛନ୍ତି, ରାଜ୍ୟରେ ଖାଲି ପଡ଼ିଥିବା ଶିକ୍ଷକ ପଦବୀଗୁଡିକୁ ଭର୍ତ୍ତି କରିବା ପାଇଁ ସରକାର ସଙ୍କଳ୍ପବଦ୍ଧ ଭାବେ କାର୍ଯ୍ୟରତ। ନୂଆ ସରକାର ଗଠନ ପରେ, ପ୍ରାୟ ୧୬ ହଜାର କନିଷ୍ଠ ଶିକ୍ଷକଙ୍କୁ ନିଯୁକ୍ତି ପତ୍ର ଦିଆଯାଇଛି। ତା'ପରେ ଆଉ ୨ ହଜାର ଶିକ୍ଷକଙ୍କୁ ନିଯୁକ୍ତି ଦିଆଯାଇଛି। ଏହି ତ୍ୱରିତ ଚେଷ୍ଟା ଦେଖାଏ ଯେ, ଶିକ୍ଷା ବ୍ୟବସ୍ଥାରେ ଗୁଣତ୍ତ୍ୱ ଓ ପାଠ୍ୟଦାନ ପ୍ରକ୍ରିୟାକୁ ଉନ୍ନତ କରିବାକୁ ରାଜ୍ୟ ସରକାର ଗମ୍ଭୀର। "ନିଯୁକ୍ତି ଏକ ନିରନ୍ତର ପ୍ରକ୍ରିୟା। ଖାଲି ପଡ଼ିଥିବା ପଦବୀ ଶୀଘ୍ର ଭର୍ତ୍ତି ହେବ। ଯାହାଠାରେ କୌଣସି ବାଧା ଅଛି, ତାହାକୁ ଚିହ୍ନଟ କରି ଉପୟୁକ୍ତ ପଦକ୍ଷେପ ଗ୍ରହଣ କରାଯିବ," ବୋଲି ମନ୍ତ୍ରୀ ଗଣ୍ଡ ଉଲ୍ଲେଖ କରିଛନ୍ତି। ଏହି ନିଯୁକ୍ତି ଖଣ୍ଡ ଏକ ଦିଗରୁ ଯେଉଁଠି ଶିକ୍ଷାରେ ଗୁଣାତ୍ମକ ପରିବର୍ତ୍ତନ ଆଣିବା ଉଦ୍ୟମ ଅନ୍ୟଦିଗରୁ ନିଯୁକ୍ତି ଆଶାକୁ ଅବସ୍ଥାନ କରୁଥିବା ଅନେକ ଯୁବ ଶିକ୍ଷାପ୍ରାପ୍ତଙ୍କ ପାଇଁ ଏକ ସୁଯୋଗ ଓ ସଂଘର୍ଷର ସାର୍ଥକତା ଅଟୁଟ ପ୍ରମାଣ ହେବ।