ଯୁଦ୍ଧ ସନ୍ଦେଶରେ ତତ୍ପର ଓଡ଼ିଶା, ସମସ୍ତ IPS, ଜିଲାପାଳ ଓ RDCଙ୍କ ଛୁଟି ବାତିଲ
ଭୁବନେଶ୍ୱର, ୧୦ / ୫ : – ଭାରତ-ପାକିସ୍ତାନ ସୀମାରେ ଆସୁଥିବା ଯୁଦ୍ଧ ସମ୍ଭାବନା ପ୍ରତି ନଜର ରଖି, ଓଡ଼ିଶା ସରକାର ଆପାତ୍କାଳୀନ ପଦକ୍ଷେପ ନେଇଛି। ରାଜ୍ୟରେ ସମସ୍ତ IPS ଅଫିସରଙ୍କୁ ମୁଖ୍ୟାଳୟ ତ୍ୟାଗ ନ କରିବା ନିର୍ଦ୍ଦେଶ ଦେଇ, ସେମାନଙ୍କର ଛୁଟି ବାତିଲ କରାଯାଇଛି। ଏନେଇ ଗୃହ ବିଭାଗ ପକ୍ଷରୁ ସଂକଳିତ ଚିଠି ଜାରି ହୋଇଛି। ସରକାର ପକ୍ଷରୁ ଜାରି ହୋଇଥିବା ନିର୍ଦ୍ଦେଶାନୁସାରେ, ଯେଉଁ IPS ଅଫିସର ଛୁଟିରେ ଅଛନ୍ତି, ସେମାନେ ତୁରନ୍ତ କାର୍ଯ୍ୟଭାର ଗ୍ରହଣ କରିବାକୁ ବାଧ୍ୟ ହେବେ। ଟ୍ରେନିଂ ଥିବା ଅଧିକାରୀମାନଙ୍କୁ ମଧ୍ୟ ଚାକିରିରେ ଯୋଗ ଦେବାକୁ ନିର୍ଦ୍ଦେଶ ମିଳିଛି। ଗୃହ ବିଭାଗ ପରେ ଏବେ ସାଧାରଣ ପ୍ରଶାସନ ଓ ଅଭିଯୋଗ ବିଭାଗ ମଧ୍ୟ ଜଣାଇଛି, ଓଡ଼ିଶାର ସମସ୍ତ ଜିଲାପାଳ ଓ ଆର୍ଡିସିଙ୍କ ଛୁଟି ବାତିଲ କରାଯାଇଛି। ଏହି ପଦକ୍ଷେପର ମୂଳ ଉଦ୍ଦେଶ୍ୟ ହେଉଛି ଯୁଦ୍ଧ ସମ୍ଭାବ୍ୟ ପରିସ୍ଥିତିରେ ପ୍ରଶାସନିକ ପ୍ରତିକ୍ରିୟାକୁ ତିବ୍ର ଓ ସଂଗଠିତ ରଖିବା। ଦିଲ୍ଲୀ, ରାଜସ୍ଥାନ, ଗୁଜରାଟ ଓ ହରିୟାଣା ପରେ ଓଡ଼ିଶା ମଧ୍ୟ ଏହି ଜରୁରୀ ପଦକ୍ଷେପ ନେଇଛି। ଅନ୍ୟ ରାଜ୍ୟମାନେ ଯେପରି ତ୍ରୁଟିହୀନ ପ୍ରଶାସନିକ ମେକାନିଜମ ଚାଲୁ କରିଛନ୍ତି, ସେହିପରି ଓଡ଼ିଶା ମଧ୍ୟ ସତର୍କତାର ସୂତ୍ର ଧରିଛି।
ଓଡ଼ିଶା ସରକାରଙ୍କ ଏହି ନିଷ୍ପତ୍ତି କେବଳ ଏକ ପ୍ରଶାସନିକ ଅଭିଯାନ ନୁହେଁ, ବରଂ ଏହା ଏକ ସନ୍ଦେଶ – ରାଜ୍ୟ ଏବଂ ଦେଶ ପାଇଁ ଯେକୌଣସି ଆପତ୍କାଳୀନ ପରିସ୍ଥିତିରେ ସେମାନେ ପୂର୍ଣ୍ଣ ତତ୍ପରତା ଓ ଦୃଢତା ସହିତ ମୁହଁତୋଡ ଜବାବ ଦେବା ପାଇଁ ପ୍ରସ୍ତୁତ।
ଭୁବନେଶ୍ୱର, ୧୦ / ୫ : – ଭାରତ-ପାକିସ୍ତାନ ସୀମାରେ ଆସୁଥିବା ଯୁଦ୍ଧ ସମ୍ଭାବନା ପ୍ରତି ନଜର ରଖି, ଓଡ଼ିଶା ସରକାର ଆପାତ୍କାଳୀନ ପଦକ୍ଷେପ ନେଇଛି। ରାଜ୍ୟରେ ସମସ୍ତ IPS ଅଫିସରଙ୍କୁ ମୁଖ୍ୟାଳୟ ତ୍ୟାଗ ନ କରିବା ନିର୍ଦ୍ଦେଶ ଦେଇ, ସେମାନଙ୍କର ଛୁଟି ବାତିଲ କରାଯାଇଛି। ଏନେଇ ଗୃହ ବିଭାଗ ପକ୍ଷରୁ ସଂକଳିତ ଚିଠି ଜାରି ହୋଇଛି। ସରକାର ପକ୍ଷରୁ ଜାରି ହୋଇଥିବା ନିର୍ଦ୍ଦେଶାନୁସାରେ, ଯେଉଁ IPS ଅଫିସର ଛୁଟିରେ ଅଛନ୍ତି, ସେମାନେ ତୁରନ୍ତ କାର୍ଯ୍ୟଭାର ଗ୍ରହଣ କରିବାକୁ ବାଧ୍ୟ ହେବେ। ଟ୍ରେନିଂ ଥିବା ଅଧିକାରୀମାନଙ୍କୁ ମଧ୍ୟ ଚାକିରିରେ ଯୋଗ ଦେବାକୁ ନିର୍ଦ୍ଦେଶ ମିଳିଛି। ଗୃହ ବିଭାଗ ପରେ ଏବେ ସାଧାରଣ ପ୍ରଶାସନ ଓ ଅଭିଯୋଗ ବିଭାଗ ମଧ୍ୟ ଜଣାଇଛି, ଓଡ଼ିଶାର ସମସ୍ତ ଜିଲାପାଳ ଓ ଆର୍ଡିସିଙ୍କ ଛୁଟି ବାତିଲ କରାଯାଇଛି। ଏହି ପଦକ୍ଷେପର ମୂଳ ଉଦ୍ଦେଶ୍ୟ ହେଉଛି ଯୁଦ୍ଧ ସମ୍ଭାବ୍ୟ ପରିସ୍ଥିତିରେ ପ୍ରଶାସନିକ ପ୍ରତିକ୍ରିୟାକୁ ତିବ୍ର ଓ ସଂଗଠିତ ରଖିବା। ଦିଲ୍ଲୀ, ରାଜସ୍ଥାନ, ଗୁଜରାଟ ଓ ହରିୟାଣା ପରେ ଓଡ଼ିଶା ମଧ୍ୟ ଏହି ଜରୁରୀ ପଦକ୍ଷେପ ନେଇଛି। ଅନ୍ୟ ରାଜ୍ୟମାନେ ଯେପରି ତ୍ରୁଟିହୀନ ପ୍ରଶାସନିକ ମେକାନିଜମ ଚାଲୁ କରିଛନ୍ତି, ସେହିପରି ଓଡ଼ିଶା ମଧ୍ୟ ସତର୍କତାର ସୂତ୍ର ଧରିଛି।
