କରୋନାର ନୂଆ ଅତିଥି ଆଗମନ — ଚୀନ୍ ରେ ଉତ୍ପାତ, ଭାରତରେ ଚିନ୍ତା

ବେଜିଂ, ୨୬ / ୫ : ଦୁଇ ବର୍ଷର ଶାନ୍ତି ପରେ ପୁଣି ଥରେ ବିଶ୍ୱବ୍ୟାପୀ ଚିନ୍ତାର ତାର ଛେଡ଼ିଛି କରୋନା ଭାଇରସ। ଏଥର ମଧ୍ୟ ଏହାର ମୁଖ୍ୟ ଘଟସ୍ଥଳ ଭାବେ ଚୀନ୍ ଉଭୟ ଶାସନ ଓ ବିଜ୍ଞାନମଣ୍ଡଳର ଆଲୋଚନାରେ ରହିଛି।ଚୀନର ଆଧିକାରିକ ତଥ୍ୟ ଅନୁଯାୟୀ, ଏପ୍ରିଲ ମାସ ସୁଦ୍ଧା ଦେଶରେ ୧.୬ ଲକ୍ଷରୁ ଅଧିକ ଜଣ କରୋନାରେ ଆକ୍ରାନ୍ତ ହୋଇଛନ୍ତି, କିନ୍ତୁ ସରକାର ଏହାକୁ ଶୀର୍ଷ ସ୍ଥିତି ବୋଲି ଗ୍ରହଣ କରିନାହାଁନ୍ତି।
ଚାଇନିଜ ସେଣ୍ଟର ଫର୍ ଡିଜିଜ କଣ୍ଟ୍ରୋଲ (CDC) ର ତଥ୍ୟ ଦେଖାଉଛି ଯେ, ମାର୍ଚ୍ଚ ଶେଷ ଠାରୁ ମେ ଆରମ୍ଭ ପର୍ଯ୍ୟନ୍ତ ରୋଗୀ ମଧ୍ୟରେ ପଜିଟିଭ ହାର ୭.୫% ରୁ ୧୬.୨% କୁ ବୃଦ୍ଧି ପାଇଛି। ଏହି ଅନୁପାତ ବର୍ତ୍ତମାନ ଚିନ୍ତାଜନକ। ତଥାପି ଚୀନ୍ ସରକାର ଅନ୍ତର୍ଜାତୀୟ ମଞ୍ଚରେ ଏହି ବୃଦ୍ଧିକୁ ନେଇ ଅଧିକ ଖୋଲାମେଳା ତଥ୍ୟ ଦେଉନାହାଁନ୍ତି।
ଏପ୍ରିଲ ମାସରେ ମୋଟ ୧୬୮,୫୦୭ ମାମଲା ରିପୋର୍ଟ ହୋଇଥିବା ବେଳେ, ତଦନ୍ତ ଦେଖାଉଛି ଯେ ସେଗୁଡ଼ିକ ମଧ୍ୟରୁ ଅଧିକାଂଶ ଓମିକ୍ରନ ଭାରିଆଣ୍ଟ ର XDV ସିରିଜ ସହ ସଂପୃକ୍ତ। ବିଶେଷଜ୍ଞମାନେ ମନେ କରୁଛନ୍ତି ଯେ, ଏହି ଲହରୀ ଆସନ୍ତା ମାସ ରୁ କମିପାରେ, କିନ୍ତୁ ଜନସାଧାରଣଙ୍କୁ ସତର୍କ ରହିବା ଅନୁରୋଧ ଦେଉଛନ୍ତି।
ଭାରତ ମଧ୍ୟ ଏହି ନୂଆ ଲହରୀ ର ପ୍ରଭାବରେ ଆସିପାରେ ବୋଲି ସ୍ୱାସ୍ଥ୍ୟ ବିଭାଗ ସଚେତନ। ଦିଲ୍ଲୀ ଭଳି ବଡ଼ ସହର ଓ କିଛି ଅନ୍ୟାନ୍ୟ ରାଜ୍ୟରେ ଛିଟିଛିଟି ମାମଲା ରିପୋର୍ଟ ହେଉଛି। ସ୍ୱାସ୍ଥ୍ୟ ମନ୍ତ୍ରଣାଳୟ ତଥ୍ୟ ଅନୁଯାୟୀ, ଭାରତରେ ବର୍ତ୍ତମାନ ୧,୦୦୦ ରୁ ଅଧିକ ସକ୍ରିୟ କରୋନା ମାମଲା ଅଛି। ରାଜଧାନୀ ଦିଲ୍ଲୀରେ ମାତ୍ର ୧୦୩ ଜଣ ଆକ୍ରାନ୍ତ ଥିବା ସତ୍ୱେ, ତାହାକୁ ହେଳାନା କରିବା ଅଞ୍ଚଳ ନୁହେଁ।
କରୋନାର ଏହି ନୂଆ ଚେହେରା ଏବେ ପ୍ରଚ୍ଛନ୍ନ, କିନ୍ତୁ ତାହାର ଘାତକତା ଅବଶ୍ୟ ସ୍ମୃତି ଜୀବନ୍ତ କରୁଛି। ଚୀନ୍ ଯଦି ତଥ୍ୟରେ ସଚେତନ ଓ ପ୍ରକାଶମାନ ନ ହୁଏ, ତେବେ ବିଶ୍ୱ ପୁଣି ଏକ ନୂଆ ଚାପରେ ଆସିପାରେ। ଏହି ପରିପ୍ରେକ୍ଷିତିରେ ସମସ୍ତଙ୍କୁ ସତର୍କ ଓ ସଚେତନ ରହିବାର  ଅତିଆବଶ୍ୟକ।