ସୁରକ୍ଷା ବାହିନୀ ର ଅପରେସନ କେଲର, ପହଲଗାମ ଆକ୍ରମଣର ମାଷ୍ଟରମାଇଣ୍ଡ୍ ସହିତ ୩ ନିପାତ
ଶ୍ରୀନଗର, ୧୪ / ୫ : — ପହଲଗାମ ଆକ୍ରମଣ ପରେ ଭାରତୀୟ ସେନା ପକ୍ଷରୁ ଆରମ୍ଭ ହୋଇଥିବା ସଂଘଟିତ ଯୁଦ୍ଧ ରଣନୀତି ଅନ୍ତର୍ଗତ ଓପେରେସନ୍ ‘ସିନ୍ଦୂର’ ପରେ ଏବେ ଶୋପିଆନ ଜିଲ୍ଲାର ସୋଏକଲ କେଲର୍ ଅଞ୍ଚଳରେ ଉଦ୍ଘାଟିତ ହେଉଛି ଅପରେସନ୍ ‘କେଲର୍’।
ଆଜି ସକାଳେ ଏହି ଅଞ୍ଚଳର ଅଲଶିପୋରା ଗ୍ରାମ ଅନ୍ତର୍ଗତ ଆତଙ୍କବାଦୀ ଗତିବିଧି ବାବଦରେ ମିଳିଥିବା ନିଶ୍ଚିତ ଗୁପ୍ତ ସୂଚନା ଉପରେ ଆଧାର କରି ଭାରତୀୟ ସେନା, ଜମ୍ମୁ-କାଶ୍ମୀର ପୁଲିସ ଓ ସିଆର୍ପିଏଫ୍ ସଂଯୁକ୍ତ ଭାବେ ଅଭିଯାନ ଆରମ୍ଭ କରିଥିଲେ। ଅଭିଯାନ ଅବଧିରେ ଆତଙ୍କବାଦୀମାନେ ପ୍ରଥମେ ସୁରକ୍ଷାବାହିନୀ ଉପରେ ଗୁଳିଚାଳନ କରିଥିଲେ, ଯାହାର ପ୍ରତିଉତ୍ତରରେ ସେନା ଦ୍ୱାରା ଗୁଳିମାଡ଼ ଆରମ୍ଭ ହୋଇଥିଲା । ଗୁଳିମାଡ଼ ହେଉଥିବା ଏହି ଘଟଣାରେ ତିନି ଆତଙ୍କବାଦୀ ନିପାତ ହୋଇଛନ୍ତି।
ନିହତ ଆତଙ୍କବାଦୀଙ୍କ ମଧ୍ୟରୁ ଅତ୍ୟନ୍ତ ଚର୍ଚ୍ଚିତ ଏବଂ ପହଲଗାମ ଆକ୍ରମଣର ମାଷ୍ଟରମାଇଣ୍ଡ୍ ଭାବରେ ପରିଚିତ ଲସ୍କର-ଏ-ତୋଇବା ଓ ଦ ରେଜିଷ୍ଟାନ୍ସ ଫ୍ରଣ୍ଟ୍ (TRF) ନେତା ଶାହିଦ କୁଟ୍ଟେ ରହିଛି। ଅନ୍ୟ ଦୁଇ ନିହତ ଆତଙ୍କବାଦୀ ହେଲେ ଅଦନାନ୍ ଶାଫି ଓ ଏହସାନ୍ ଉଲ୍ ହକ୍ ଶେଖ୍।
ଏହି ଅଭିଯାନ ଭାରତୀୟ ସେନା ପକ୍ଷରୁ ଏକ ମହତ୍ତ୍ୱପୂର୍ଣ୍ଣ ସଫଳତା ଭାବେ ଦେଖାଯାଉଛି, ଯେଉଁଥିରେ ପକ୍କା ଗୁଇନ୍ଦା ତଥ୍ୟ ଉପରେ ଆଧାରିତ କାର୍ଯ୍ୟଚାଲନା ଦ୍ୱାରା ଗଭୀର ଅଞ୍ଚଳରେ ଲୁଚିଥିବା ଆତଙ୍କବାଦୀମାନଙ୍କୁ ନିପାତ କରାଯାଇଛି।
TRF ପକ୍ଷରୁ ପହଲଗାମ ଆକ୍ରମଣ ପାଇଁ ଦାୟିତ୍ୱ ଗ୍ରହଣ କରିଥିବା ଓ ସେଥିରେ ଶାହିଦ କୁଟ୍ଟେର ନେତୃତ୍ୱ ଥିବା ଥିଲେ ଏହି ଅପରେସନ୍ ଏକ ମୌଳିକ ଚେତାବନୀ ଭାବେ ଅନ୍ୟ ଆତଙ୍କବାଦୀ ଗୋଷ୍ଠୀମାନଙ୍କ ପାଇଁ ମନାଯାଉଛି।
ସେନା ପକ୍ଷରୁ ଟ୍ୱିଟ୍ ମାଧ୍ୟମରେ ଜଣାଯାଇଛି ଯେ ଏହି ଅପରେସନ୍ ଚାଲିଥିବା ବେଳେ କୌଣସି ସୁରକ୍ଷାକର୍ମୀ ହତାହତ ହୋଇନଥିବା ଏବଂ ଅନ୍ୟ ଲୁଚିଥିବା ଆତଙ୍କବାଦୀମାନଙ୍କ ଖୋଜ ଜାରି ରହିଛି। ଅପେରେସନ୍ ‘କେଲର୍’ ଆଗାମୀ ଦିନଗୁଡିକରେ ଅଞ୍ଚଳରେ ଆତଙ୍କ ନିବାରଣ ପାଇଁ ମୂଳ ସ୍ଥମ୍ଭ ଭାବେ ଖ୍ୟାତି ଅର୍ଜନ କରିପାରେ।
ଶ୍ରୀନଗର, ୧୪ / ୫ : — ପହଲଗାମ ଆକ୍ରମଣ ପରେ ଭାରତୀୟ ସେନା ପକ୍ଷରୁ ଆରମ୍ଭ ହୋଇଥିବା ସଂଘଟିତ ଯୁଦ୍ଧ ରଣନୀତି ଅନ୍ତର୍ଗତ ଓପେରେସନ୍ ‘ସିନ୍ଦୂର’ ପରେ ଏବେ ଶୋପିଆନ ଜିଲ୍ଲାର ସୋଏକଲ କେଲର୍ ଅଞ୍ଚଳରେ ଉଦ୍ଘାଟିତ ହେଉଛି ଅପରେସନ୍ ‘କେଲର୍’।
