ଘଟଣା ଅନୁଯାୟୀ, ଶନିବାର ଅପରାହ୍ନ ସମୟରେ ନାବାଳିକା ଜଣେ ଘର ନିକଟ ନଳକୂପକୁ ଗାଧୋଇବା ପାଇଁ ଗଲା ବେଳେ, ଅଭିଯୁକ୍ତ ଆଶିଷ ଦାସ ତାଙ୍କୁ ଏକୁଟିଆ ଦେଖି ନୂଆ ନିର୍ମିତ ପୋଖରୀ ଅଞ୍ଚଳକୁ ଭିଡିନେଇ ବଳାତ୍କାର ଉଦ୍ୟମ କରିଥିଲେ। ନାବାଳିକା ଜଣକ ପ୍ରତିରୋଧ କରିବାରୁ ଓ ଚିତ୍କାର କରିବାରୁ ଅଭିଯୁକ୍ତ ଘର ଭିତରକୁ ପଳାଇଯାଇଥିଲେ।
ଘରେ ପହଞ୍ଚି ଘଟଣା ବିବରଣ କରିବା ପରେ, ନାବାଳିକାଙ୍କ ମା’ ତୁରନ୍ତ ଦିଗପହଣ୍ଡି ଥାନାକୁ ଏତଲା ଦେଇଛନ୍ତି। ମାମଲା ନଂ.୧୮୭/୨୫ ଅନୁଯାୟୀ, ଡିଏସପି ପ୍ରଶାନ୍ତ କୁମାର ପାତ୍ର ଅଭିଯୁକ୍ତ ବିରୋଧରେ କେସ ରୁଜୁ କରି ତଦନ୍ତ ପାଇଁ ଏସ.ଆଇ ସୋଫିଆ ମିଶ୍ରଙ୍କୁ ଦାୟିତ୍ୱ ଦେଇଛନ୍ତି।
ଘଟଣା ପରେ ନାବାଳିକାଙ୍କ ବାପା ଅଭିଯୁକ୍ତଙ୍କ ଘରକୁ ଗଲେ ବେଳେ, ତାଙ୍କ ପରିବାର – ବାପା ଜଟିଆ ଦାସ ଓ ମା’ – ଉତ୍ତେଜନାରେ ହାତରେ କଟୁରୀ ଧରି ଉପରେ ଆକ୍ରମଣ କରିବାକୁ ଉଦ୍ୟତ ହୋଇଥିବା ଅଭିଯୋଗ ମଧ୍ୟ ଏତଲାରେ ଥିବା ବେଳେ, ଗ୍ରାମରେ ତୀବ୍ର ଉତ୍ତେଜନା ଚାଲିଛି।
ଏହି ଘଟଣା କେବଳ ଏକ ଆପରାଧିକ ଅଭିଯୋଗ ନୁହେଁ, ଏହା ଗାଁ ଓ ସମାଜର ଶିଶୁ ସୁରକ୍ଷା ରେ ବିରାଟ ଅସୁରକ୍ଷା ଓ ଅବହେଳାକୁ ଦର୍ଶାଉଛି। ଶିଶୁମାନେ ଆଜି ନିଜ ଘର ଓ ଗ୍ରାମରେ ମଧ୍ୟ ନିରାପଦ ନୁହନ୍ତି ବୋଲି ଏହା ଏକ ଜାଗ୍ରୁକ ବିଚାର କୁ ଦରକାର ଦେଉଛି।
ପୋଲିସ ତଦନ୍ତ ଆରମ୍ଭ କରିଛି ବୋଲି ତଥ୍ୟ ମିଳିଛି, ସମସ୍ତ ଦୃଷ୍ଟି ଏବେ ଅଭିଯୁକ୍ତଙ୍କ ଗିରଫ ଓ ଶିଶୁ ନ୍ୟାୟ ପ୍ରଣାଳୀ ଅନୁଯାୟୀ କଠୋର ଆଇନଗତ ପଦକ୍ଷେପ ଉପରେ ଅଟକିଛି।
