ଜୟପୁରରେ ଜିଲ୍ଲା କଂଗ୍ରେସ କମିଟି ପକ୍ଷରୁ 'ଭୋଟ୍ ବଞ୍ଚାଅ-ଦେଶ ବଞ୍ଚାଅ' ସାମ୍ବାଦିକ ସମ୍ମିଳନୀ ଅନୁଷ୍ଠିତ: ନିର୍ବାଚନ ଆୟୋଗ ଓ କେନ୍ଦ୍ର ସରକାରଙ୍କୁ କଡ଼ା ସମାଲୋଚନା
ଜୟପୁର, ୨୫/୧୦ ( ଏ. ଭେଙ୍କଟ ରାଓ ) : ଆଜି ପୂର୍ବାହ୍ନ ୧୧:୩୦ ସମୟରେ ଜୟପୁରସ୍ଥିତ ବାବା ସାହେବ କଲ୍ୟାଣୀ ମଣ୍ଡପଠାରେ କୋରାପୁଟ ଜିଲ୍ଲା କଂଗ୍ରେସ କମିଟି ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। କୋରାପୁଟ ଜିଲ୍ଲା କଂଗ୍ରେସ କମିଟି ସଭାପତି ରୂପକ ତୁରୁକଙ୍କ ଆହ୍ୱାନ କ୍ରମେ ଆୟୋଜିତ ଏହି କାର୍ଯ୍ୟକ୍ରମରେ ଅଖିଲ ଭାରତ କଂଗ୍ରେସ କମିଟି (AICC) ପର୍ଯ୍ୟବେକ୍ଷକ ହରପାଳ ଠାକୁର ମୁଖ୍ୟ ଅତିଥି ଭାବେ ଯୋଗଦେଇ କେନ୍ଦ୍ର ସରକାର ଓ ନିର୍ବାଚନ ଆୟୋଗଙ୍କ ବିରୋଧରେ ବର୍ଷିଛନ୍ତି। ଏହି ସମ୍ମିଳନୀରେ କୋରାପୁଟ ଜିଲ୍ଲାର କଂଗ୍ରେସ ଦଳର ମାନ୍ୟବର ସାଂସଦ, ବିଧାୟକ ଏବଂ ବହୁ ବରିଷ୍ଠ ନେତୃମଣ୍ଡଳୀ ଉପସ୍ଥିତ ରହି 'ଭୋଟ୍ ବଞ୍ଚାଅ - ଦେଶ ବଞ୍ଚାଅ' ଅଭିଯାନର ବାର୍ତ୍ତା ପ୍ରଚାର କରିଛନ୍ତି। ସମ୍ମିଳନୀରେ ଉପସ୍ଥାପିତ ତଥ୍ୟ ଅନੁଯାୟୀ, କେନ୍ଦ୍ରର ଶାସକ ବିଜେପି ସରକାର ନିର୍ବାଚନ ଆୟୋଗ (ECI) ଏବଂ ମୁଖ୍ୟ ନିର୍ବାଚନ କମିଶନର (CEC) ଜ୍ଞାନେଶ କୁମାରଙ୍କୁ ମାଧ୍ୟମ କରି ଦେଶରେ ଗଣତନ୍ତ୍ରର ହତ୍ୟା ଏବଂ ବ୍ୟାପକ 'ଭୋଟ୍ ଚୋରି' କରାଯାଉଥିବା ଗମ୍ଭୀର ଅଭିଯୋଗ କରାଯାଇଛି। ଦେଶର ସ୍ୱାଧୀନତା ଇତିହାସରେ ପ୍ରଥମଥର ପାଇଁ ନିର୍ବାଚନ ଆୟୋଗ ନିରପେକ୍ଷ ଭାବେ କାର୍ଯ୍ୟ ନକରି ଶାସକ ଦଳର ଏକ କଣ୍ଢେଇ ପାଲଟିଛି। ନିର୍ବାଚନ ଆୟୋଗର ଅନ୍ୟ ଦୁଇ କମିଶନର ସୁଖବୀର ସିଂହ ସାନ୍ଧୁ ଏବଂ ବିବେକ ଜୋଶୀ ମୁଖ୍ୟ ନିର୍ବାଚନ କମିଶନରଙ୍କ ଏକଛତ୍ରବାଦୀ ନିଷ୍ପତ୍ତି ବିରୋଧରେ ଗତ ୧୦ ମାସ ମଧ୍ୟରେ ୧୪ ଥର ଲିଖିତ ଭାବେ ଅସନ୍ତୋଷ ପ୍ରକାଶ କରିଥିଲେ ମଧ୍ୟ ସେଗୁଡ଼ିକୁ ସମ୍ପୂର୍ଣ୍ଣ ଅଣଦେଖା କରାଯାଇଛି। ଏପରିକି ଆଭ୍ୟନ୍ତରୀଣ ବେଆଇନ କାର୍ଯ୍ୟକଳାପ ବିରୋଧରେ ଏହି ଦୁଇ କମିଶନର କ୍ୟାବିନେଟ୍ ସଚିବଙ୍କ ଦ୍ୱାରସ୍ଥ ହୋଇଥିଲେ ମଧ୍ୟ କୌଣସି ସୁଫଳ ମିଳି ନଥିବା ପ୍ରକାଶ ପାଇଛି। ସ୍ୱତନ୍ତ୍ର ତୀବ୍ର ସଂଶୋଧନ (SIR) ପ୍ରକ୍ରିୟା ଆଳରେ ଫର୍ମ-୭ ର କୁପ୍ରୟୋଗ କରାଯାଇ ବହୁ ସଂଖ୍ୟକ ଭୋଟରଙ୍କ ନାମ କାଟିଦିଆଯାଉଥିବା ଏବଂ ପୂର୍ବରୁ ପଞ୍ଜୀକୃତ ଭୋଟରଙ୍କୁ ନୂତନ ଭୋଟର ଭାବେ ଫର୍ମ-୬ ଭରିବାକୁ ବାଧ୍ୟ କରାଯାଉଥିବା କୁହାଯାଇଛି। ଏହି ଚକ୍ରାନ୍ତ ମାଧ୍ୟମରେ ସ୍ୱାଧୀନ ଭାରତର ଇତିହାସରେ ପ୍ରଥମଥର ପାଇଁ ଭୋଟରଙ୍କ ସଂଖ୍ୟା ବୃଦ୍ଧି ପାଇବା ପରିବର୍ତ୍ତେ ହ୍ରାସ ପାଇଛି। ଦେଶବ୍ୟାପୀ 'ଅନୁପସ୍ଥିତ, ସ୍ଥାନାନ୍ତରିତ, ମୃତ କିମ୍ବା ଦ୍ୱିତୀୟ' (ASDD) ବର୍ଗରେ ୧୩.୩୯ କୋଟିରୁ ଅଧିକ ଯୋଗ୍ୟ ଭୋଟରଙ୍କ ନାମ ତାଲିକାରୁ ବାଦ୍ ଦିଆଯାଇଛି। ଗରିବ, ଶ୍ରମିକ, ଦଳିତ, ସଂଖ୍ୟାଲଘୁ ଏବଂ ବିରୋଧୀ ଦଳର ସମର୍ଥକମାନଙ୍କୁ ସୁଚିନ୍ତିତ ଭାବେ ଟାର୍ଗେଟ୍ କରାଯାଇ ଭୋଟର ତାଲିକାରୁ ସେମାନଙ୍କ ନାମ ଲିଭାଇ ଦିଆଯାଉଛି ବୋଲି ସମ୍ମିଳନୀରେ ଦୃଢ଼ୋକ୍ତି ପ୍ରକାଶ ପାଇଛି। ଏହି ସାମ୍ବିଧାନିକ ଦୁର୍ନୀତି ଓ ଗଣତନ୍ତ୍ରର ଲୁଟ୍ ବିରୋଧରେ ଅଖିଲ ଭାରତ କଂଗ୍ରେସ କମିଟି (AICC) ପକ୍ଷରୁ ଅକ୍ଟୋବର ୧ରୁ ନଭେମ୍ବର ୨୬ (ସମ୍ବିଧାନ ଦିବସ) ପର୍ଯ୍ୟନ୍ତ ଦୁଇ ମାସବ୍ୟାପୀ ଦେଶବ୍ୟାପୀ ଗଣଆନ୍ଦୋଳନର ଡାକରା ଦିଆଯାଇଛି। ଓଡ଼ିଶାର ପ୍ରତି ବ୍ଲକ, ପଞ୍ଚାୟତ ଓ ଜିଲ୍ଲା ସ୍ତରରେ 'ଭୋଟ୍ ବଞ୍ଚାଅ - ଦେଶ ବଞ୍ଚାଅ' ବାର୍ତ୍ତା ନେଇ କଂଗ୍ରେସ କର୍ମୀମାନେ ଜନସାଧାରଣଙ୍କ ପାଖରେ ପହଞ୍ଚୁଛନ୍ତି। ଏହି ଅବସରରେ କଂଗ୍ରେସ ପକ୍ଷରୁ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କୁ ତତକ୍ଷଣାତ୍ ବରଖାସ୍ତ କରିବା, SIR ପ୍ରକ୍ରିୟାକୁ ସମ୍ପୂର୍ଣ୍ଣ ରଦ୍ଦ କରିବା ଏବଂ ଏହି ବେଆଇନ ଭୋଟର ତାଲିକା ଆଧାରରେ ହୋଇଥିବା ବା ହେବାକୁଥିବା ନିର୍ବାଚନକୁ ଅସାମ୍ବିଧାନିକ ଓ ବାତିଲ ଘୋଷଣା କରିବା ପାଇଁ ଦୃଢ଼ ଦାବି କରାଯାଇଛି।
ଜୟପୁର, ୨୫/୧୦ ( ଏ. ଭେଙ୍କଟ ରାଓ ) : ଆଜି ପୂର୍ବାହ୍ନ ୧୧:୩୦ ସମୟରେ ଜୟପୁରସ୍ଥିତ ବାବା ସାହେବ କଲ୍ୟାଣୀ ମଣ୍ଡପଠାରେ କୋରାପୁଟ ଜିଲ୍ଲା କଂଗ୍ରେସ କମିଟି ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। କୋରାପୁଟ ଜିଲ୍ଲା କଂଗ୍ରେସ କମିଟି ସଭାପତି ରୂପକ ତୁରୁକଙ୍କ ଆହ୍ୱାନ କ୍ରମେ ଆୟୋଜିତ ଏହି କାର୍ଯ୍ୟକ୍ରମରେ ଅଖିଲ ଭାରତ କଂଗ୍ରେସ କମିଟି (AICC) ପର୍ଯ୍ୟବେକ୍ଷକ ହରପାଳ ଠାକୁର ମୁଖ୍ୟ ଅତିଥି ଭାବେ ଯୋଗଦେଇ କେନ୍ଦ୍ର ସରକାର ଓ ନିର୍ବାଚନ ଆୟୋଗଙ୍କ ବିରୋଧରେ ବର୍ଷିଛନ୍ତି। ଏହି ସମ୍ମିଳନୀରେ କୋରାପୁଟ ଜିଲ୍ଲାର କଂଗ୍ରେସ ଦଳର ମାନ୍ୟବର ସାଂସଦ, ବିଧାୟକ ଏବଂ ବହୁ ବରିଷ୍ଠ ନେତୃମଣ୍ଡଳୀ ଉପସ୍ଥିତ ରହି 'ଭୋଟ୍ ବଞ୍ଚାଅ - ଦେଶ ବଞ୍ଚାଅ' ଅଭିଯାନର ବାର୍ତ୍ତା ପ୍ରଚାର କରିଛନ୍ତି। ସମ୍ମିଳନୀରେ ଉପସ୍ଥାପିତ ତଥ୍ୟ ଅନੁଯାୟୀ, କେନ୍ଦ୍ରର ଶାସକ ବିଜେପି ସରକାର ନିର୍ବାଚନ ଆୟୋଗ (ECI) ଏବଂ ମୁଖ୍ୟ ନିର୍ବାଚନ କମିଶନର (CEC) ଜ୍ଞାନେଶ କୁମାରଙ୍କୁ ମାଧ୍ୟମ କରି ଦେଶରେ ଗଣତନ୍ତ୍ରର ହତ୍ୟା ଏବଂ ବ୍ୟାପକ 'ଭୋଟ୍ ଚୋରି' କରାଯାଉଥିବା ଗମ୍ଭୀର ଅଭିଯୋଗ କରାଯାଇଛି। ଦେଶର ସ୍ୱାଧୀନତା ଇତିହାସରେ ପ୍ରଥମଥର ପାଇଁ ନିର୍ବାଚନ ଆୟୋଗ ନିରପେକ୍ଷ ଭାବେ କାର୍ଯ୍ୟ ନକରି ଶାସକ ଦଳର ଏକ କଣ୍ଢେଇ ପାଲଟିଛି। ନିର୍ବାଚନ ଆୟୋଗର ଅନ୍ୟ ଦୁଇ କମିଶନର ସୁଖବୀର ସିଂହ ସାନ୍ଧୁ ଏବଂ ବିବେକ ଜୋଶୀ ମୁଖ୍ୟ ନିର୍ବାଚନ କମିଶନରଙ୍କ ଏକଛତ୍ରବାଦୀ ନିଷ୍ପତ୍ତି ବିରୋଧରେ ଗତ ୧୦ ମାସ ମଧ୍ୟରେ ୧୪ ଥର ଲିଖିତ ଭାବେ ଅସନ୍ତୋଷ ପ୍ରକାଶ କରିଥିଲେ ମଧ୍ୟ ସେଗୁଡ଼ିକୁ ସମ୍ପୂର୍ଣ୍ଣ ଅଣଦେଖା କରାଯାଇଛି। ଏପରିକି ଆଭ୍ୟନ୍ତରୀଣ ବେଆଇନ କାର୍ଯ୍ୟକଳାପ ବିରୋଧରେ ଏହି ଦୁଇ କମିଶନର କ୍ୟାବିନେଟ୍ ସଚିବଙ୍କ ଦ୍ୱାରସ୍ଥ ହୋଇଥିଲେ ମଧ୍ୟ କୌଣସି ସୁଫଳ ମିଳି ନଥିବା ପ୍ରକାଶ ପାଇଛି। ସ୍ୱତନ୍ତ୍ର ତୀବ୍ର ସଂଶୋଧନ (SIR) ପ୍ରକ୍ରିୟା ଆଳରେ ଫର୍ମ-୭ ର କୁପ୍ରୟୋଗ କରାଯାଇ ବହୁ ସଂଖ୍ୟକ ଭୋଟରଙ୍କ ନାମ କାଟିଦିଆଯାଉଥିବା ଏବଂ ପୂର୍ବରୁ ପଞ୍ଜୀକୃତ ଭୋଟରଙ୍କୁ ନୂତନ ଭୋଟର ଭାବେ ଫର୍ମ-୬ ଭରିବାକୁ ବାଧ୍ୟ କରାଯାଉଥିବା କୁହାଯାଇଛି। ଏହି ଚକ୍ରାନ୍ତ ମାଧ୍ୟମରେ ସ୍ୱାଧୀନ ଭାରତର ଇତିହାସରେ ପ୍ରଥମଥର ପାଇଁ ଭୋଟରଙ୍କ ସଂଖ୍ୟା ବୃଦ୍ଧି ପାଇବା ପରିବର୍ତ୍ତେ ହ୍ରାସ ପାଇଛି। ଦେଶବ୍ୟାପୀ 'ଅନୁପସ୍ଥିତ, ସ୍ଥାନାନ୍ତରିତ, ମୃତ କିମ୍ବା ଦ୍ୱିତୀୟ' (ASDD) ବର୍ଗରେ ୧୩.୩୯ କୋଟିରୁ ଅଧିକ ଯୋଗ୍ୟ ଭୋଟରଙ୍କ ନାମ ତାଲିକାରୁ ବାଦ୍ ଦିଆଯାଇଛି। ଗରିବ, ଶ୍ରମିକ, ଦଳିତ, ସଂଖ୍ୟାଲଘୁ ଏବଂ ବିରୋଧୀ ଦଳର ସମର୍ଥକମାନଙ୍କୁ ସୁଚିନ୍ତିତ ଭାବେ ଟାର୍ଗେଟ୍ କରାଯାଇ ଭୋଟର ତାଲିକାରୁ ସେମାନଙ୍କ ନାମ ଲିଭାଇ ଦିଆଯାଉଛି ବୋଲି ସମ୍ମିଳନୀରେ ଦୃଢ଼ୋକ୍ତି ପ୍ରକାଶ ପାଇଛି। ଏହି ସାମ୍ବିଧାନିକ ଦୁର୍ନୀତି ଓ ଗଣତନ୍ତ୍ରର ଲୁଟ୍ ବିରୋଧରେ ଅଖିଲ ଭାରତ କଂଗ୍ରେସ କମିଟି (AICC) ପକ୍ଷରୁ ଅକ୍ଟୋବର ୧ରୁ ନଭେମ୍ବର ୨୬ (ସମ୍ବିଧାନ ଦିବସ) ପର୍ଯ୍ୟନ୍ତ ଦୁଇ ମାସବ୍ୟାପୀ ଦେଶବ୍ୟାପୀ ଗଣଆନ୍ଦୋଳନର ଡାକରା ଦିଆଯାଇଛି। ଓଡ଼ିଶାର ପ୍ରତି ବ୍ଲକ, ପଞ୍ଚାୟତ ଓ ଜିଲ୍ଲା ସ୍ତରରେ 'ଭୋଟ୍ ବଞ୍ଚାଅ - ଦେଶ ବଞ୍ଚାଅ' ବାର୍ତ୍ତା ନେଇ କଂଗ୍ରେସ କର୍ମୀମାନେ ଜନସାଧାରଣଙ୍କ ପାଖରେ ପହଞ୍ଚୁଛନ୍ତି। ଏହି ଅବସରରେ କଂଗ୍ରେସ ପକ୍ଷରୁ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କୁ ତତକ୍ଷଣାତ୍ ବରଖାସ୍ତ କରିବା, SIR ପ୍ରକ୍ରିୟାକୁ ସମ୍ପୂର୍ଣ୍ଣ ରଦ୍ଦ କରିବା ଏବଂ ଏହି ବେଆଇନ ଭୋଟର ତାଲିକା ଆଧାରରେ ହୋଇଥିବା ବା ହେବାକୁଥିବା ନିର୍ବାଚନକୁ ଅସାମ୍ବିଧାନିକ ଓ ବାତିଲ ଘୋଷଣା କରିବା ପାଇଁ ଦୃଢ଼ ଦାବି କରାଯାଇଛି।
