ଶୌଚ ପାଇଁ ଯାଇଥିଲେ ଶବ ହୋଇ ଫେରିଲେ

ଝରିଗାଁ, ୨୬/୧୧ (ନକୁଳ ଭତ୍ରା) : ନବଗଙ୍ଗପୁର ଜିଲ୍ଲା ଝରିଗାଁ ବ୍ଲକ ପାଲିଆ ପଞ୍ଚାୟତ ଅନ୍ତର୍ଗତ ଟିପା ଗୁଡ଼ା ଗ୍ରାମ ର ଜଣେ ମହିଳା ସକାଳୁ ଶୌଚ ପାଇଁ ଯାଇଥିବା ବେଳେ ଶବ୍ ହୋଇ ଘରକୁ ଫେରିଥିବା ଜଣାପଡିଛି। ସୂଚନା ପ୍ରକାର ଟିପାଗୁଡ଼ା ଗ୍ରାମର ବାଲମତୀ ଜାନୀ (୪୦) ଆଜି ସକାଳୁ ଉଠିବା ପରେ ଘରୁ ଏକ ଶହ ମିଟର ଦୂରରେ ଥିବା ସାନଟିପା ନାଲକୁ ଶୌଚପାଇଁ ଯାଇଥିଲେ। ତେବେ ଦିର୍ଘ ସମୟ ଧରି ବାଲମତୀ ଘରକୁ ନ ଫେରିବା ଯୋଗୁଁ ପରିବାର ଲୋକେ ବହୁ ଖୋଜା ଖୋଜି କରିଥିଲେ। ଶେଷରେ ସାନଟିପା ନାଲରେ ବାଲମତୀଙ୍କ ମୁହଁ ମାଡି ପୋଡି ଥିବା ମୃତ ଶରୀର ଦେଖିବାକୁ ପାଇ ଥିଲେ। ପରେ ବାଲମତୀଙ୍କ ଭାଇ ଦସରୁ ଜାନୀ ଘଟଣା ନେଇ ଝରିଗାଁ ଥାନାରେ ଲିଖିତ ଅଭିଯୋଗ ଦେବା ପରେ ପୋଲି ଘଟଣା ସ୍ଥାନରେ ପହଞ୍ଚି ଶବ ଜବତ ସହ ବେବଚ୍ଛେଦ ପାଇ ଝରିଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠେଇଥିଲେ।ଶବ ବେବଚ୍ଚେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲେ। ଖବର ପ୍ରସାରଣ ହେବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।