ଭାରତ-ପାକିସ୍ତାନ ଉତ୍ତେଜନା ମଧ୍ୟରେ ଡୋଭାଲ-ୱାଙ୍ଗ ଫୋନ ଯୋଗେ ଆଲୋଚନା

ନୂଆଦିଲ୍ଲୀ ୧୧/୫ :– ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତ ଓ ପାକିସ୍ତାନ ମଧ୍ୟରେ ବୃଦ୍ଧି ପାଉଥିବା ଉତ୍ତେଜନା ପରିପ୍ରେକ୍ଷିତରେ, ଭାରତର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ସହ ଚୀନ୍ ବୈଦେଶିକ ମନ୍ତ୍ରୀ ୱାଙ୍ଗ ୟି ରାତିରେ ଟେଲିଫୋନିକ୍ ଆଲୋଚନା କରିଛନ୍ତି। ଏହି ବାର୍ତ୍ତାଳାପରେ ଭାରତ ଆତଙ୍କବାଦ ବିରୋଧରେ ଏକ ନିର୍ଦ୍ଦିଷ୍ଟ ଅଭିଗମ ଗ୍ରହଣ କରିଛି ବୋଲି ସଫା କରିଦେଇଛି।
ଏନଏସଏ ଡୋଭାଲ ନିଜ କଥାରେ କହିଛନ୍ତି: “ଯୁଦ୍ଧ ଭାରତର ପସନ୍ଦ ନୁହେଁ, ତେବେ ଆତଙ୍କବାଦ ବିରୋଧରେ ପ୍ରତିକ୍ରିୟା ଆବଶ୍ୟକ। ଆଞ୍ଚଳିକ ଶାନ୍ତି ପ୍ରତି ଆମେ ପ୍ରତିବଦ୍ଧ।”
ଚୀନ୍ ବୈଦେଶିକ ମନ୍ତ୍ରୀ ୱାଙ୍ଗ ୟି ମଧ୍ୟ ଆତଙ୍କବାଦ ପ୍ରତି ତୀବ୍ର ନିନ୍ଦା ବ୍ୟକ୍ତ କରି,  ଚୀନର ଅଭିମତ ନିର୍ଦ୍ଦିଷ୍ଟ କରିଛନ୍ତି। ସେ କହିଛନ୍ତି, “ଭାରତ ଓ ପାକିସ୍ତାନ — ଦୁହିଁ ଚୀନର ପଡ଼ୋଶୀ। ଏସିଆ ଅଞ୍ଚଳରେ ଶାନ୍ତି ଏବଂ ସ୍ଥିରତା ଆବଶ୍ୟକ, ଯାହା ପାଇଁ ସମସ୍ତଙ୍କୁ ଆଦର ଦେଖାଉଛି।”
ଏହି ବାର୍ତ୍ତାଳାପ ଥିବା ବେଳେ, ଚୀନ୍ ପୁଣିଥରେ ପାକିସ୍ତାନ ପ୍ରତି ଖୋଲା ସମର୍ଥନ ଜଣାଇଛି। ବୈଦେଶିକ ମନ୍ତ୍ରଣାଳୟ କହିଛି, “ପାକିସ୍ତାନର ସାର୍ବଭୌମତ୍ୱ ଓ ଅଖଣ୍ଡତା ରକ୍ଷା ପାଇଁ ଆମେ ସଦା ସହଯୋଗୀ।” ଏହି ବକ୍ତବ୍ୟ ପାର୍ଶ୍ୱରେ, ପାକିସ୍ତାନର ସଂବେଦନଶୀଳ ଅଭିଗମ ପୁଣିଥରେ ଶକ୍ରିୟ ହୋଇଉଠିଛି।
ଏହି ଘଟଣାଗୁଡିକ ମଧ୍ୟରେ ପ୍ରକାଶ ମିଳିଛି ଯେ, ପାକିସ୍ତାନ ତାଙ୍କର ଦୋମୁହାଁ ନୀତି ଯୋଗୁଁ ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଅସହଜ ଅବସ୍ଥାରେ ପଡ଼ିଛନ୍ତି। ଗତଦିନ ଭାରତ-ପାକିସ୍ତାନ ଯୁଦ୍ଧ ବିରତି ପାଇଁ ଟ୍ରମ୍ପ କ୍ରେଡିଟ ନେବା ଚେଷ୍ଟା କରିଥିଲେ, କିନ୍ତୁ ପାକିସ୍ତାନ ତାଙ୍କ ପ୍ରତି ଶ୍ରଦ୍ଧା ରଖିନାହିଁ। ଏହି କାରଣରୁ ଟ୍ରମ୍ପ ଦୂତିକତାରେ ଅସୁବିଧା ସମ୍ମୁଖୀନ ହେଉଛନ୍ତି।
ଭାରତ ଏବଂ ଚୀନ୍ ପକ୍ଷରୁ ଅଭିବ୍ୟକ୍ତ ହୋଇଥିବା ସଂଯମ ଓ ଶାନ୍ତି ଚେଷ୍ଟା ସ୍ୱାଗତଯୋଗ୍ୟ ଥିଲେ ମଧ୍ୟ, ଚୀନ ର ଦୋମୁହାଁ ନୀତି ଏବେ ବୃହତ୍ତର ଆଞ୍ଚଳିକ ରାଜନୈତିକ ସ୍ଥିରତା ପାଇଁ ପ୍ରଶ୍ନ ଉଠାଇଛି।