ନୂଆଦିଲ୍ଲୀ, ୨୯/୪: ଓଟିଟି ଓ ସୋସିଆଲ ମିଡିଆ ପ୍ଲାଟ୍ଫର୍ମରେ ଦିନକୁ ଦିନ ବଢୁଥିବା ଅଶ୍ଳୀଳ ଓ ଅଶାଳୀନ ବିଷୟବସ୍ତୁ ପ୍ରସାରଣ ଉପରେ ନିୟନ୍ତ୍ରଣ ଲାଗି ଏବେ ଆଇନ ରାସ୍ତା ଧରାଯାଇଛି। ଜଣେ ସଚେତନ ନାଗରିକ ଓ ଓଡ଼ିଆ ଚଳଚ୍ଚିତ୍ର ନିର୍ମାତା ଉଦୟ ମହୁରକର ସରକାରଙ୍କୁ ଗଭୀର ଅନୁଭୂତି ସହ ବ୍ୟବସ୍ଥା ନେବା ପାଇଁ ଦିଲ୍ଲୀ ଉଚ୍ଚ ଅଦାଲତରେ ଜନସ୍ବାର୍ଥ ମାମଲା ରୁଜୁ କରିଛନ୍ତି।ଏହି ମାମଲାରେ ମହୁରକରଙ୍କ ଆଇନଜୀବୀ ବିଷ୍ଣୁଶଙ୍କର ଜୈନ ଅଦାଲତକୁ କହିଛନ୍ତି ଯେ, ଅପରିମିତ ଭାବରେ ପ୍ରସାରିତ ହେଉଥିବା ଅଶ୍ଳୀଳ ଭିଡିଓଗୁଡ଼ିକ ଯୁବମନରେ ବିକୃତି ଘଟାଇ ଦେଉଛି, ଛାତ୍ରଛାତ୍ରୀ ଓ ଅପ୍ରାପ୍ତବୟସ୍କଙ୍କ ମାନସିକତା ଉପରେ ଖରାପ ପ୍ରଭାବ ପକାଇ ଅପରାଧ ପ୍ରବୃତ୍ତିକୁ ଉତ୍ସାହ ଦେଉଛି।ସେହିପରି, କେନ୍ଦ୍ର ସରକାରଙ୍କ ପକ୍ଷରୁ ସଲିସିଟର ଜେନେରାଲ ତୁଷାର ମେହେଟ୍ଟା ଅଦାଲତକୁ ସୂଚନା ଦେଇଛନ୍ତି ଯେ, ନିୟମ ଥିଲେ ବି ଅନେକ ବିଷୟବସ୍ତୁ ଏପରି ଅଶ୍ଳୀଳ ଓ ଅଶାଳୀନ ଯେ, ସାଧାରଣ ପରିବାରରେ ବସି ବେଖେବା ଅଶକ୍ୟ। ତେଣୁ ୧୮ ବର୍ଷ ଉପର ଚେତାବନୀ ସୂଚନା ଥିବା ସତ୍ତ୍ୱେ ବୃହତ ତଦନ୍ତ ଓ ଶକ୍ତିଶାଳୀ ନିୟନ୍ତ୍ରଣ ମେକାନିଜମ୍ ଆବଶ୍ୟକ ବୋଲି ସେ ସ୍ବୀକାର କରିଛନ୍ତି।ଏହି ପିଟିଶନ୍ ଉପରେ ଅନୁସାରଣ କରି, ଅଦାଲତ ନେଟଫ୍ଲିକ୍ସ, ଆମାଜନ ପ୍ରାଇମ୍, ଉଲ୍ଳୁ, ALTBalaji, X (ପୂର୍ବତନ ଟ୍ୱିଟର୍), ଫେସବୁକ୍, ଇନ୍ଷ୍ଟାଗ୍ରାମ୍, ୟୁଟ୍ୟୁବ୍ ଓ ଅନ୍ୟାନ୍ୟ ପ୍ଲାଟଫର୍ମକୁ ନୋଟିସ ଜାରି କରି ସ୍ପଷ୍ଟ ଜବାବ ମାଗିଛନ୍ତି।
