ଭବାନପାଟଣା, ୨୦/୦୫ ( ବିଷ୍ଣୁ ଚରଣ ସ୍ୱାଇଁ ) : ଅଦ୍ୟ ତା ୨୦ ରିଖ ରେ ଜିଲ୍ଲାପାଳ ଙ୍କ କାର୍ଯ୍ୟାଳୟ ସମ୍ମୁଖରେ ଓଡ଼ିଶା ପ୍ରଦେଶ ଆଦିବାସୀ ଲୋହାରା ଲୋହରା ବିକାଶ ପରିଷଦ, କଳାହାଣ୍ଡି ପକ୍ଷରୁ ଜିଲ୍ଲାପାଳ କଳାହାଣ୍ଡି ଙ୍କ ମାଧ୍ୟମ ରେ ମାନ୍ୟବର ଓଡ଼ିଶାର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଙ୍କୁ ଦାବିପତ୍ର ପ୍ରଦାନ l ଲୋହରା / ଲୋହାରା ଜାତି ଓଡ଼ିଶାର ସବୁଠାରୁ ପୁରାତନ ଏବଂ ପ୍ରାଚୀନ ଆଦିବାସୀ ସମୁଦାୟମାନଙ୍କ ମଧ୍ୟରୁ ଗୋଟିଏ। ଆମ ସମୁଦାୟର ଲୋକମାନେ ପ୍ରାଚୀନ କାଳରୁ କଳାହାଣ୍ଡି, ନୂଆପଡ଼ା, ସୁନ୍ଦରଗଡ଼, ମୟୂରଭଞ୍ଜ, କେନ୍ଦୁଝର, ବଲାଙ୍ଗିର, ସମ୍ବଲପୁର ସହ ଓଡ଼ିଶାର ଅନେକ ଜିଲ୍ଲାର ଜଙ୍ଗଲ ଓ ଗ୍ରାମାଞ୍ଚଳରେ ବସବାସ କରୁଛନ୍ତି। ଆମର ନିଜସ୍ଵ ପରମ୍ପରା, ରୀତିନୀତି, ସାମାଜିକ ପ୍ରଥା ଓ ପାରମ୍ପରିକ ଜୀବିକା ପ୍ରଣାଳୀ ରହିଛି, ଯାହା ଅନ୍ୟ ସ୍ୱୀକୃତ ଅନୁସୂଚିତ ଜନଜାତି ସମୁଦାୟମାନଙ୍କ ସହ ସମ୍ପୂର୍ଣ୍ଣ ସମାନ। ଆମ ସମୁଦାୟର ଜୀବନଶୈଳୀ ସାମୂହିକ ଜୀବନ, ଜଙ୍ଗଲ ଉପରେ ନିର୍ଭରଶୀଳତା, ପାରମ୍ପରିକ ବୃତ୍ତି ଓ ପ୍ରାଚୀନ ଆଦିବାସୀ ମୂଲ୍ୟବୋଧ ଉପରେ ଆଧାରିତ, ଯାହା ସ୍ପଷ୍ଟ କରେ ଯେ ଆମେ ମୂଳତଃ ଏକ ପ୍ରକୃତ ଆଦିବାସୀ ସମୁଦାୟ। ଓଡ଼ିଶାରେ ଲୋହରା / ଲୋହାରା ଜାତି ଏପର୍ଯ୍ୟନ୍ତ ଅସ୍ୱୀକୃତ ଓ ଅବହେଳିତ ଅବସ୍ଥାରେ ରହିଛି। ଏହି ପରିଚୟ ଅଭାବ ଫଳରେ ଆମ ସମୁଦାୟ ଅନୁସୂଚିତ ଜନଜାତିଙ୍କ ପାଇଁ ଥିବା ସାଂବିଧାନିକ ସୁବିଧା ଓ ସୁରକ୍ଷାରୁ ବଞ୍ଚିତ ହେଉଛି, ଯାହା ଆମକୁ ଆହୁରି ଦରିଦ୍ରତା ଓ ପଛୁଆପଣରେ ଠେଲିଦେଇଛି। ଶିକ୍ଷାର ଅଭାବ, ଅତ୍ୟନ୍ତ ଦୁର୍ବଳ ସ୍ୱାସ୍ଥ୍ୟ ସୁବିଧା, ବେକାରି ଓ ସରକାରୀ ସେବାରେ ଅତ୍ୟନ୍ତ କମ ପ୍ରତିନିଧିତ୍ଵ ଆମ ସମୁଦାୟର ମୂଳ ସମସ୍ୟା ହୋଇପଡ଼ିଛି । ଆମର ଶିଶୁମାନେ ଶିକ୍ଷା ଛାଡ଼ୁଛନ୍ତି, ଯୁବମାନେ ଦିନମଜୁରି ପାଇଁ ଅନ୍ୟତ୍ର ପ୍ରବାସ କରୁଛନ୍ତି ଓ ମହିଳାମାନେ ଅସୁରକ୍ଷିତ ପରିସ୍ଥିତିରେ ଜୀବନ କାଟୁଛନ୍ତି — କେବଳ ଏହି କାରଣରୁ ଯେ ଆମକୁ ଆମର ନ୍ୟାୟସଙ୍ଗତ ପରିଚୟ ମିଳୁନାହିଁ। ଆମ ସମ୍ବିଧାନ ଅନୁସାରେ ଭାରତୀୟ ସମ୍ବିଧାନ (ଏସ୍.ଟି.) ଆଦେଶ, ୧୯୫୦ ଓ ବିହାର, ଝାରଖଣ୍ଡ ଓ ପଶ୍ଚିମବଙ୍ଗ ରାଜ୍ୟର ଏସ୍.ଟି. ତାଲିକା ପଡ଼ୋଶୀ ରାଜ୍ୟ ଝାରଖଣ୍ଡ, ପଶ୍ଚିମବଙ୍ଗ ଓ ବିହାରରେ ଏହି ସମାନ ଲୋହରା / ଲୋହାରା ସମୁଦାୟକୁ ଅନୁସୂଚିତ ଜନଜାତି ଭାବେ ସ୍ବୀକୃତି ମିଳିଛି, କିନ୍ତୁ ଓଡ଼ିଶାରେ ଆମକୁ ଏପର୍ଯ୍ୟନ୍ତ ଅସ୍ୱୀକୃତ ରଖାଯାଇଛି। ସୀମାର ଏକ ପାର୍ଶ୍ବରେ ଏକେ ସମୁଦାୟ ଆଦିବାସୀ ଓ ଅନ୍ୟ ପାର୍ଶ୍ବରେ ଅନାଦିବାସୀ କିପରି ହୋଇପାରେ ? ଏହି ଅସମାନ ବ୍ୟବହାର ଦଶକ ଧରି ଆମ ସମୁଦାୟକୁ ଅନେକ କଷ୍ଟ, ଭ୍ରମ ଓ ଭେଦଭାବର ସମ୍ମୁଖୀନ କରାଇଛି। ଓ ସ୍ବୀକୃତି ମିଳିଲେ ଆମ ଲୋକମାନେ ଶିକ୍ଷା, ଚାକିରି, ସରକାରୀ କଲ୍ୟାଣ ଯୋଜନା, ଜମି ସୁରକ୍ଷା ଓ ସମ୍ମାନଜନକ ଜୀବନର ସୁଯୋଗ ପାଇପାରିବେ, ଯାହା ଆମର ଅସ୍ତିତ୍ଵ ଓ ଉନ୍ନତି ପାଇଁ ଅତ୍ୟାବଶ୍ୟକ। ଏହା ଲକ୍ଷାଧିକ ପରିବାରଙ୍କୁ ଦୀର୍ଘଦିନର ପଛୁଆପଣ ଓ ଦରିଦ୍ରତାରୁ ମୁକ୍ତ କରିପାରିବ ଆମେ ଆପଣଙ୍କ ନେତୃତ୍ବ ଓ ଆଦିବାସୀ କଲ୍ୟାଣ ପ୍ରତି ଆପଣଙ୍କ ଅଙ୍ଗୀକାର ଉପରେ ପୂର୍ଣ୍ଣ ଭରସା ରଖୁଛୁ ଲୋହରା / ଲୋହାରା ଆଦିବାସୀ ସମୁଦାୟର ଏହି ଦୀର୍ଘଦିନର ଦାବି ନିଶ୍ଚିତ ଭାବେ ପୂରଣ କରିବେ ଓଡ଼ିଶାରେ “ଲୋହରା” ଓ “ଲୋହାରା" ଜାତିକୁ ଅନୁସୂଚିତ ଜନଜାତି ତାଲିକାରେ ସମ୍ମିଳିତ କରିବା ପାଇଁ ଆପଣ ଆବଶ୍ୟକ ପଦକ୍ଷେପ ଗ୍ରହଣ କରିବେ, ଆମ ସମୁଦାୟ ମର୍ଯ୍ୟାଦା, ସମାନତା ଓ ଉତ୍ତମ ଭବିଷ୍ୟତ ସହିତ ଜୀବନଯାପନ କରିପାରିବା। ଏହି ଦାବିପତ୍ର କାର୍ଯ୍ୟକ୍ରମ ରେ ଜିଲ୍ଲା ସଭାପତି କଳାହାଣ୍ଡି ଚନ୍ଦ୍ର ପରାଭୋଇ, ଜିଲ୍ଲା ସମ୍ପାଦକ ବିରଞ୍ଚି ଭୋଇ, ସମାଜସେବୀ ବିର୍ବଲ ଧଙ୍ଗଡାମାଝୀ, ଲକ ପରାଭୋଇ, ପଦ୍ମମୁଖ ପରାଭୋଇ, ଜୟରାମ ପରାଭୋଇ, ବୈଲୋଚନ ପରାଭୋଇ, ରାତ୍ର ପରାଭୋଇ, ତନୂର୍ଜୟ ପରାଭୋଇ, ଘନଶ୍ୟାମ ପରାଭୋଇ, ନିରନ୍ ପରା ଭୋଇ, ପୁଷ୍ଟମ ପରାଭୋଇ, ରାଜେଶ ପରାଭୋଇ, ସୁଶାନ୍ତ ପରାଭୋଇ, ନୀଳାମ୍ବର ପରାଭୋଇ, ମତି ପରା ଭୋଇ, ଓ ସମସ୍ତ କର୍ମ କର୍ତ୍ତା ଉପସ୍ଥିତ ଥିଲେ
କଳାହାଣ୍ଡି ଜିଲ୍ଲା ପ୍ରତିନିଧି ବିଷ୍ଣୁ ଚରଣ ସ୍ୱାଇଁ ଙ୍କ ରିପୋର୍ଟ
 ତାଲିକାରେ ସମ୍ମିଳିତ କରିବା ପାଇଁ ଦାବିପତ୍ର ପ୍ରଦାନ ){kind=link}