ପ୍ରତ୍ୟେକ ଗ୍ରାମପଞ୍ଚାୟତରୁ ୧୦ ଜଣଗରିବ ଓ ଭୂମିହୀନ ଙ୍କୁ ମିଳିବ ପକ୍କା ଘର

ଭୁବନେଶ୍ୱର, ୩ / ୬  — ଓଡ଼ିଶାର ଗାଁଗୁଡ଼ିକୁ ଉନ୍ନତି ଓ ଗୃହ ସୁରକ୍ଷାର ମୂଳଧାରାରେ ଆଣିବା ଉଦ୍ଦେଶ୍ୟରେ ରାଜ୍ୟ ସରକାର ଏକ ବଡ଼ ଘୋଷଣା କରିଛନ୍ତି ପ୍ରତ୍ୟେକ ଗ୍ରାମପଞ୍ଚାୟତରୁ ୧୦ ଜଣ ହିତାଧିକାରୀଙ୍କୁ ପକ୍କା ଘର ଯୋଗାଇ ଦିଆଯିବା ଯୋଜନା କାର୍ଯ୍ୟାନ୍ବୟ ଅବସ୍ଥାକୁ ପାଉଛି। ଏହି ଯୋଜନା ରାଜ୍ୟ ସରକାରଙ୍କ ବର୍ଷ ପୂର୍ତ୍ତି ଅବସରରେ ଉଦ୍ଘାଟିତ ହେବ।ପଞ୍ଚାୟତିରାଜ ଓ ଗ୍ରାମ୍ୟ ଉନ୍ନୟନ ବିଭାଗର ମନ୍ତ୍ରୀ ରବି ନାରାୟଣ ନାଏକ ଘୋଷଣା କରିଛନ୍ତି ଯେ, ଗରିବ ଓ ଭୂମିହୀନ ପରିବାରମାନେ ଏଥିରେ ମୁଖ୍ୟ ଲାଭାନ୍ବିତ ହେବେ। ସେ କହିଛନ୍ତି — “ସରକାର ପ୍ରତିବଦ୍ଧ ଯେ ପ୍ରତ୍ୟେକ ଯୋଗ୍ୟ ଓ ଗୃହହୀନ ବ୍ୟକ୍ତିଙ୍କୁ ଏକ ସୁରକ୍ଷିତ ବସ୍ତୁତାନୁଗତ ପକ୍କା ଘର ଯୋଗାଇ ଦିଆଯିବ। ଅନ୍ତୋଦୟ ଗୃହ ଯୋଜନା ଓ ପ୍ରଧାନମନ୍ତ୍ରୀ ଆବାସ ଯୋଜନା ର ଏକତ୍ର ଚେଷ୍ଟା ଦ୍ୱାରା ଏହି ଲକ୍ଷ୍ୟ ସାଧିତ ହେବ।” ସରକାରଙ୍କ ଲକ୍ଷ୍ୟ ହେଉଛି ପ୍ରାୟ ୨୨ ଲକ୍ଷ ହିତାଧିକାରୀଙ୍କୁ ଘର ଯୋଗାଇବା। ଯେଉଁମାନେ ପୂର୍ବରୁ ପ୍ରଧାନମନ୍ତ୍ରୀ ଆବାସ ଯୋଜନାରୁ ବଞ୍ଚିତ ଥିଲେ, ସେମାନେ ଏବେ ଅନ୍ତୋଦୟ ଗୃହ ଯୋଜନା ତଳେ ସାମିଲ ହେବେ। ଘର ନିର୍ମାଣ ପାଇଁ ୧.୨ ଲକ୍ଷ ଟଙ୍କା ଆର୍ଥିକ ସହଯୋଗ ମଧ୍ୟ ଦିଆଯିବ। ଏହି ଯୋଜନାର ଆରମ୍ଭ ହେବ ଆସନ୍ତା ୩୦ ତାରିଖରେ ଭବାନୀପାଟଣାରେ, ଯେଉଁଠାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ହିତାଧିକାରୀଙ୍କୁ ପ୍ରତ୍ୟକ୍ଷରେ ଘର ବାଣ୍ଟିବେ।ସରକାର ଏହି ଯୋଜନା ପାଇଁ ବଜେଟରେ ୭,୫୫୦ କୋଟି ଟଙ୍କା ବ୍ୟୟବରାଦ କରିଛି। ଏହି ପଦକ୍ଷେପ ଗରିବ ଓ ଆର୍ଥିକ ଅନଗ୍ରସର ପରିବାରମାନଙ୍କ ଜୀବନ ମାନକୁ ଉନ୍ନତ କରିବା ସହ, ଗୃହହୀନ ଅବସ୍ଥାକୁ ଦୂର କରିବାରେ ଏକ ମାଇଲଖୁଣ୍ଟ ସାବ୍ୟସ୍ତ ହେବା ଆଶା ବ୍ୟକ୍ତ କରାଯାଇଛି।