ବୀରମହାରାଜପୁରରେ ମୁମୂର୍ଷୁ ଅବସ୍ଥାରେ ନାବାଳିକା ଉଦ୍ଧାର, ବଳାତ୍କାର ସନ୍ଦେହ

ସୋନପୁର, ୨୯ / ୫ : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅଞ୍ଚଳରେ ଗୁରୁବାର ଦିନ ଘଟିଥିବା ଏକ ମନବତାକୁ ଲଜ୍ଜିତ କରୁଥିବା ଦୁର୍ଦ୍ଦାନ୍ତ ଘଟଣା ସ୍ଥାନୀୟ ଲୋକମାନଙ୍କ ମଧ୍ୟରେ ଅସ୍ତିରତା ଦେଖାଦେଇଛି । ବାଘରତଇଲା ଜଙ୍ଗଲ ଅଞ୍ଚଳରୁ ମୁମୂର୍ଷୁ ଅବସ୍ଥାରେ ଜଣେ ନାବାଳିକା ଉଦ୍ଧାର ହୋଇଥିବା ଘଟଣା ଏବେ ଶୀର୍ଷ ଖବର ହେବାକୁ ଆସିଛି।ପ୍ରାଥମିକ ତଥ୍ୟ ଅନୁଯାୟୀ, ଉଦ୍ଧାର ହୋଇଥିବା ନାବାଳିକା ଜଣେ ଗତ ୫ ଦିନଠାରୁ ନିଖୋଜ ଥିଲେ। ତାଙ୍କୁ ବଳାତ୍କାର କରି ଜଙ୍ଗଲ ମଧ୍ୟରେ ଫିଙ୍ଗି ଦିଆଯାଇଥିବା ଅନୁମାନ ଲାଗିଛି। ଘଟଣାସ୍ଥଳର ଦୃଶ୍ୟ ବହୁତ ଭୟଙ୍କର ଓ ହୃଦୟବିଦାରକ ଥିଲା ବୋଲି ସୂତ୍ର ପକ୍ଷରୁ କୁହାଯାଇଛି।ନାବାଳିକାଙ୍କ ଦୁରବସ୍ଥା ଦେଖି ସ୍ଥାନୀୟ ଲୋକେ ପୋଲିସକୁ ସୂଚନା ଦେଇଥିଲେ। ପୋଲିସ ଟିମ୍ ଦ୍ରୁତ ରେସ୍ପୋନ୍ସ ଦେଇ ତାଙ୍କୁ ଉଦ୍ଧାର କରି ନିକଟସ୍ଥ ଡିସ୍ଟ୍ରିକ୍ଟ ହସ୍ପିଟାଲକୁ ସ୍ଥାନାନ୍ତର କରିଛି। ତାଙ୍କର ଶାରୀରିକ ଓ ମନୋସାମାଜିକ ଅବସ୍ଥା ଗୁରୁତର ହେବାର ସନ୍ଦେହ ରହିଛି। ଡାକ୍ତରମାନେ ଚିକିତ୍ସାରେ ଲାଗିଛନ୍ତି ବୋଲି ସୂଚନା ମିଳିଛି।ଘଟଣା ପରେ ବୀରମହାରାଜପୁର ଅଞ୍ଚଳରେ ରାଗ ଓ ଅସନ୍ତୋଷ ଦେଖାଯାଇଛି। ସ୍ଥାନୀୟ ବାସିନ୍ଦା ଓ ସାମାଜିକ ସଂଗଠନଗୁଡିକ ଦ୍ରୁତ ତଦନ୍ତ ଓ ଅଭିଯୁକ୍ତଙ୍କ ଗିରଫ ଦାବି କରୁଛନ୍ତି। ଏହି ଘଟଣା ମାନବିକତାକୁ ହାଣି ଦେଇଥିବା ମାନି ସମସ୍ତେ ଶୀଘ୍ର କାର୍ଯ୍ୟାନୁଷ୍ଠାନ ଚାହୁଁଛନ୍ତି।