ଘଟଣା ଅନୁସାରେ, ଉକ୍ତ ନାବାଳିକାଙ୍କ ଏକ ୧୭ ବର୍ଷୀୟ ନାବାଳକ ସହ ପ୍ରେମ ସମ୍ପର୍କ ଥିଲା, ଯିଏ ଦେବଗିରୀ ମହାବିଦ୍ୟାଳୟର ଯୁକ୍ତ ପ୍ରଥମ ବର୍ଷର ଛାତ୍ର। ଏହି ସମ୍ପର୍କ ଶାରୀରିକ ସମ୍ପର୍କରେ ପରିଣତି ହୋଇଥିବା ଓ ତାହାର ଫଳରେ ନାବାଳିକା ଗର୍ଭବତୀ ହୋଇପଡ଼ିଥିବା ଜଣାପଡିଛି।ଅବିଭାକ୍ତ ସମ୍ପର୍କ ପରେ ନାବାଳିକାଙ୍କ ପରିବାର ତାଙ୍କୁ ନାବାଳକଙ୍କ ଘରେ ଛାଡି ଦେଇଥିଲେ, ଯାହା ନୈତିକ ଓ ସାମାଜିକ ମୂଲ୍ୟବୋଧ ପ୍ରତି ଏକ ଗଭିର ପ୍ରଶ୍ନ ଉଠାଏ। ଏହି ଘଟଣା ରବିବାର ଜଣାପଡିବା ପରେ, ଆଶା ଓ ଅଙ୍ଗନବାଡ଼ି କର୍ମୀଙ୍କ ସହଯୋଗରେ ଶିଶୁ ମଙ୍ଗଳ କମିଟି ଉକ୍ତ ନାବାଳିକାକୁ ଉଦ୍ଧାର କରି ତଦନ୍ତ ଆରମ୍ଭ କରିଛି।ଘଟଣା ସନ୍ଦର୍ଭରେ ଶିଶୁ ମଙ୍ଗଳ କମିଟି ଅଧ୍ୟକ୍ଷା ବିଦୁଲତା ହୁଇକା ଅବଗତ କରାଇଛନ୍ତି ଯେ, ନାବାଳିକାଙ୍କୁ ଦୀର୍ଘ ସମୟ ଧରି ପଚାରାଉଚରା କରାଯାଇଛି ଓ ତଦନ୍ତ ଚାଲିଛି। ଏହି ଘଟଣା କେବଳ ଏକ ପରିବାରିକ ଅପରିପକ୍ୱତାର ପ୍ରତିଫଳନ ନୁହେଁ, ବରଂ ସମାଜିକ ଓ ପ୍ରଶାସନିକ ଅବ୍ୟବସ୍ଥାର ଏକ ଜୀବନ୍ତ ଉଦାହରଣ।
ଏହି ଘଟଣା ଏକ ପ୍ରଶ୍ନ ଉଠାଏ—ସେହି ନିୟମ, ଶିକ୍ଷା, ସଚେତନତା କାହିଁକି ଏପରି ଅପରିପକ୍ୱ ଅବସ୍ଥାରେ ଏକ ଶିଶୁ ଜୀବନ ଦୁଃଖ ଓ ଜଟିଳତାର ଶିକାର ହେଉଛି? ଏହି ମାମଲା ସମାଜ ଓ ବ୍ୟବସ୍ଥା ପାଇଁ ଏକ ଅନ୍ତର୍ଦ୍ଦର୍ଶୀ ଶିକ୍ଷା ଅବଶ୍ୟକ ।
