କୁଇ ସମାଜ ସେବା ସମିତି ଫୁଲବାଣୀ ୭୨ ତମ ପ୍ରତିଷ୍ଠା ଦିବସ ପାଳିତ

କନ୍ଧମାଳ, ୩୦/୧୧ (ଅଚ୍ୟୁତ ଜାନୀ) : କନ୍ଧମାଳ ଜିଲ୍ଲାର ପୁରାତନ ସଂଗଠନ କୁଇ ସମାଜ ସେବା ସମିତି ଫୁଲବାଣୀର ଶନିବାର ଦିନ ୭୨ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ସୂଚନା ପ୍ରକାରେ କନ୍ଧମାଳ ଜିଲ୍ଲାର ଫିରିଙ୍ଗିଆ ବ୍ଲକ ଅନ୍ତର୍ଗତ ସଦରମହକୁମା କୁଇ ସାଂସ୍କୃତିକ ଭବନ ପ୍ରାଙ୍ଗଣରେ କୁଇ ସମାଜ ସେବା ସମିତିର ୭୨ ତମ ପ୍ରତିଷ୍ଠା ଉତ୍ସବ ପାଳନ କରାଯାଇଥିଲା । ଉକ୍ତ ଉତ୍ସବଟି କୁଇ ସମାଜ ସେବା ସମିତି ଫୁଲବାଣୀ ସଭାପତି ଶ୍ରୀ ସୁଦର୍ଶନ କହଁର ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଅତିଥି ଭାବେ , ଫିରିଙ୍ଗିଆ ପଞ୍ଚାୟତ ସମିତି ଅଧ୍ୟକ୍ଷା ନମିତା କହଁର ମୁଖ୍ୟବକ୍ତା ମହେନ୍ଦ୍ରଗଡ ସ୍ୱତନ୍ତ୍ର ଜମି ବନ୍ଦୋବସ୍ତ ଅଧିକାରୀ ଶ୍ରୀ ରବିନ୍ଦ୍ରନାଥ କହଁର ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ କେନ୍ଦ୍ର କୁଇ ସମାଜ ମୁଖ୍ୟସଭ୍ୟ ଗୌତମ ପ୍ରଧାନ,ବଲାଙ୍ଗିର ଅତିରିକ୍ତ ଅଧିକ୍ଷକ ଗୁଣନିଧି ମଲିକ, ଆଦିବାସୀ ମହାସଂଘ କନ୍ଧମାଳ ଜିଲ୍ଲା ସଭାପତି ମନୋଜ କୁମାର ପ୍ରଧାନ, କୁଇ ସାଂସ୍କୃତିକ ଭୂବନେଶ୍ୱର ପ୍ରତିନିଧି ବିବେକାନନ୍ଦ ପ୍ରଧାନ,ରାଜ୍ୟ ସ୍ୱାଭିମାନି ମଞ୍ଚ ସଚୀବ ଦୟାନିଧି ମଲିକ ପ୍ରମୁଖ ଯୋଗ ଦେଇଥିଲେ । ପ୍ରଥମେ କୁଇ ସମାଜ ସେବା ସମିତି ଫିରିଙ୍ଗିଆ ଶାଖା କାର୍ଯ୍ୟଳୟ ଠାରେ ଏକତ୍ରିତ ହୋଇ ପାରମ୍ପରିକ ବେଶଭୂଷା,ବାଦ୍ୟ,ନୃତ୍ୟ ମାଧ୍ୟମରେ ଶୋଭାଯାତ୍ରାରେ ବାହାରି ମୁଖ୍ୟମନ୍ତ୍ରୀ ଓ ରାଜ୍ୟପାଳଙ୍କ ଉଦ୍ଦେଶ୍ୟରେ ୭ ଦଫା ସମ୍ବଳିତ ଜିଲ୍ଲାର ବିଭନ୍ନ ସମସ୍ୟା ନେଇ ତହସିଲଦାରଙ୍କୁ ଦାବିପତ୍ର ଦିଆଯାଇଥିଲା । ତା'ପରେ ବୈଠକ ପାଇଁ ନିର୍ଧାରିତ ଆଦିବାସୀ ସାଂସ୍କୃତିକ ଭବନ ପର୍ଯ୍ୟନ୍ତ ଯାଇ ସାଧାରଣ ସଭା କରାଯାଇଥିଲା । ସଭାରେ ଆଦିବାସୀ ମାନଙ୍କ କୃଷି,ଶିକ୍ଷା, ସ୍ବାସ୍ଥ୍ୟ, ଆର୍ଥିକ, କଳା ସଂସ୍କୃତି,କୁସଂସ୍କାର , ଜଙ୍ଗଲ ଜମି ପଟ୍ଟା , ନିଶା ନିବାରଣ ଓ କନ୍ଧମାଳ ଜିଲ୍ଲାର ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରାଯାଇଥିଲା । ଏହାର କିପରି ବିକାଶ ହେବ ଓ କଣ କଣ ପଦକ୍ଷେପ ନିଆ ଗଲେ ଆଦିବାସୀଙ୍କର ଏବଂ କନ୍ଧମାଳ ଜିଲ୍ଲାର ଉନ୍ନତି ହେବ ସେ ବିଷୟରେ ଯୋଗଦେଇ ଥିବା ଅତିଥି ଗଣ ଦିଗଦର୍ଶନ ଦେଇ ଥିଲେ । ବିଭିନ୍ନ ଶାଖାରୁ ଆସିଥିବା କୁଇ ସାଂସ୍କୃତିକ ନୃତ୍ୟ ପରିବେଷଣ କରାଯାଇଥିଲା ।

ସମାଜ ସେବା କ୍ଷେତ୍ରରେ ତିନି ଜଣ ଓ ଆଦିବାସୀ ପ୍ରତିଭାରେ ଦୁଇଜଣ ସର୍ବମୋଟ ପାଞ୍ଚଜଣଙ୍କୁ ମାନପତ୍ର ସହ ସମ୍ବର୍ଦ୍ଧିତ କରାଯାଇଥିଲା । ଏଥିରେ କୁଇ ସମାଜ ସେବା ସମିତି ଫୁଲବାଣୀ କାର୍ଯ୍ୟକାରୀ ସଭାପତି ରମାକାନ୍ତ ମଲିକ, ସାଧାରଣ ସମ୍ପାଦକ ଅବନୀ କୁମାର କହଁର, କୋଷାଧ୍ୟକ୍ଷ ଭାବିନ୍ଦ୍ର କହଁର, ସହ ସମ୍ପାଦକ ଅଚ୍ୟୁତ ଜାନୀ, କୁଇ ଭାଷା ସାହିତ୍ୟ ସମିତି ସଭାପତି ଦୀନବନ୍ଧୁ କହଁର, କୁଇକବି ପ୍ରଦୀପ କହଁର , କେନ୍ଦ୍ର କୁଇ ସମାଜ କାର୍ଯ୍ୟକାରିଣୀ ସଦସ୍ୟ ପଞ୍ଚାନନ କହଁର, ଉପଦେଷ୍ଟା ମୁକୁନ୍ଦ କହଁର, ନାରୀ ସମ୍ପାଦିକା ଗୀତାଞ୍ଜଳି କହଁର, କୁଇ ସମାଜ ଯୁବ ପରିଷଦ କନ୍ଧମାଳ ସଭାପତି ଦେବାଶିଷ କହଁର, କୁଇ ସାଂସ୍କୃତିକ ସମ୍ପାଦକ ବିରେନ୍ଦ୍ର କହଁର, ଆଦିବାସୀ ମହାସଂଘ କନ୍ଧମାଳ ସହ ସମ୍ପାଦକ ତଥା କୁଇ ଗବେଷକ ବିଷ୍ଣୁ ଚରଣ ମଲିକ, ମିଳିତ ମଞ୍ଚ ସଭାପତି ସମିର ଘଟାଲ,ସମାଜସେବୀ ସୁନିତୀ କହଁର, ବିଶ୍ୱକଲ୍ୟାଣ ନିର୍ମାଣ ଶ୍ରମିକ ସଂଘ ସଭାପତି ସୁନିଲ୍ କୁମାର୍ କହଁର, ଶଙ୍କର କହଁର ଓ ଫିରିଙ୍ଗିଆ ବ୍ଲକର ସରପଞ୍ଚ , ସମିତିସଭ୍ୟ ଏବଂ କେନ୍ଦ୍ର ଅଧିନରେ କାର୍ଯ୍ୟକରୁଥିବା ୧୭ ଗୋଟି ଶାଖାର କର୍ମ କର୍ତ୍ତା ସମେତ ବହୁ ଆଦିବାସୀ ବୁଦ୍ଧିଜୀବୀ ଓ ଅବସରପ୍ରାପ୍ତ ଅଧିକାରୀ ଯୋଗଦେଇ ଥିଲେ । ମଞ୍ଚ ପରିଚାଳନା ବିଶ୍ବମ୍ବର ପ୍ରଧାନ ଓ ଅର୍ଜୁନ କହଁର କରିଥିବା ବେଳେ ଧନ୍ୟବାଦ ଅର୍ପଣ ମୁକୁନ୍ଦ କହଁର କରିଥିଲେ ।