ବାଇକ୍ ଧକ୍କାରେ ଯୁବକଙ୍କ ମୃତ୍ୟୁ
ବରୀ, ୨୮/୧୧ ( ରଂଜିତ ମହାନ୍ତି ) : ବାଇକ୍ ଦୁର୍ଘଟଣାରେ ବରୀ ରାମଚନ୍ଦ୍ରପୁର ଥାନା ଅନ୍ତର୍ଗତ ଭଅଁରା ପଞ୍ଚାୟତ ପଣସାପଡ଼ା ଗ୍ରାମର କାର୍ତ୍ତିକ ମଲିକଙ୍କ ପୁଅ କୁନାଲଙ୍କର ମୃତ୍ୟୁ ହୋଇଛି। ବରୁହାଁ- କଳାମାଟିଆ ରାସ୍ତାର ଭୁରୁଙ୍ଗା ଛକ ନିକଟରେ ଦୁର୍ଘଟଣା ଘଟିଥିଲା। କୁନାଲ ଏକ ବାଇକ୍ରେ ସନ୍ଧ୍ୟାରେ ବରୀ ପଟରୁ ଘରକୁ ଯାଉଥିବା ବେଳେ ସାମନା ଦିଗରୁ ଆସୁଥିବା ଏକ ବୁଲେଟ୍ ତାଙ୍କୁ ଧକ୍କା ଦେଇଥିଲା | ବୁଲେଟ୍ ଆରୋହୀ ମଧ୍ୟ ଏଥିରେ ଗୁରୁତର ହୋଇଛନ୍ତି । ଦୁର୍ଘଟଣା ପରେ କୁନାଲଙ୍କୁ ପ୍ରଥମେ ଯାଜପୁର ଜିଲ୍ଲା ଚିକିତ୍ସାଳୟ ଓ ପରେ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଉଥିଲା। ତେବେ ବାଟରେ ତାଙ୍କର ମୃତ୍ୟୁ ହୋଇଥିଲା |