ଜବରଦଖଲ କାରୀଙ୍କ ଦୁଇ ଦିନ ଭିତରେ ଜାଗା ଖାଲି କରିବାକୁ ପ୍ରଶାସନର ଚେତାବନୀ

ଝରିଗାଁ, ୨୭/୧୧ (ନକୁଲ ଭତ୍ରା) : ନବରଙ୍ଗପୁର ଜିଲ୍ଲା ଝରିଗାଁ ବ୍ଳକର ଧୋଡ୍ରା ପଞ୍ଚାୟତ ସଦର ମହକୁମା ର ଉମରକୋଟ - ନବରଙ୍ଗପୁର ମୂଖ୍ୟ ରାସ୍ତାରେ ଥିବା ସରକାରୀ ଜାଗା ସବୁ ମାଡ଼ି ବସିଥିବା ଜବର ଦଖଲକାରୀଙ୍କୁ ଦୁଇ ଦିନ ମଧ୍ୟରେ ଜାଗା ଖାଲି କରିବାକୁ ପ୍ରଶାସନ ପକ୍ଷରୁ ଚେତାବନୀ ଦିଆଯାଇଥିବା ସୂଚନା ମିଳିଛି । ପ୍ରକାଶ ଥାଉ କି ପ୍ରଶାସନ ଜବର ଦଖଲ ଉଚ୍ଛେଦ ପାଇଁ ଧୋଡ୍ରା ରେ ପହଞ୍ଚିଥିଲା ଧୋଡ୍ରା ଛକରେ ଥିବା ଦୁଇଟା ଘର ଭାଙ୍ଗିବା ପରେ ଜବର ଦଖଲ କାରୀ ମାନଙ୍କ ସହିତ ଆଲୋଚନା କରି ଦୁଇ ଦିନ ମଧ୍ୟରେ ଜାଗା ସବୁ ଖାଲି କରିବାକୁ ଚେତାବନୀ ଦେଇ ଫେରିଥିବା ଜଣାପଡିଛି । ଝରିଗାଁ ତହସିଲଦାର ସୁମନ୍ତ ପାତ୍ର , ଅତିରିକ୍ତି ତହସିଲଦାର ଅହଲ୍ୟା ମୁଦୁଲି ଧୋଡ୍ରା ଆର ଆଇ ଶିବନାଥ ମଣ୍ଡଳ ,ଓ ଉମରକୋଟ ପୋଲିସ ପ୍ରଶାସନ ଧୋଡ୍ରା ଠାରେ ପହଞ୍ଚି ଜବର ଦଖଲ କାରୀ ମାନଙ୍କ ସହିତ ଆଲୋଚନା କରି ଉଚ୍ଛେଦ କୁ ସ୍ଥଗିତ ରଖିଥିବା ସୂଚନା ମିଳିଛି । ଆଗାମୀ ଦୁଇଦିନ ମଧ୍ୟରେ ଯଦି ଜବର ଦଖଲକାରୀ ମାନେ ଜାଗା ନ ଛାଡ଼ନ୍ତି । ତେବେ ପ୍ରଶାସନ ଜବରଦସ୍ତ ଉଚ୍ଛେଦ କରିବ ବୋଲି ଚେତାବନୀ ଦେଇଥିବା ସୂଚନା ମିଳିଛି।